Rasija padoŭžyć kredyt na BiełAES, efiekt ad restrukturyzacyi składzie $600 miljonaŭ
Rasija hatova restrukturavać kredyt na budaŭnictva Biełaruskaj AES, paviedamiła «Interfaksu» krynica, znajomaja z prajektam pratakoła ab uniasieńni źmianieńniaŭ u mižuradavaje pahadnieńnie dźviuch krain.
Mižuradavaje pahadnieńnie ab vydačy ŭradu Biełarusi dziaržaŭnaha ekspartnaha kredytu dla budaŭnictva atamnaj elektrastancyi, jakoje praduhledžvaje vydzialeńnie da $10 młrd, było padpisanaje 25 listapada 2011 hoda. Srodki vydzieleny dla finansavańnia 90% koštu rabot pa hienkantrakcie na budaŭnictva AES. Jašče 10% apłačvaje biełaruski bok.
Pa stanie na 1 krasavika 2020 hoda było vykarystana $ 4,33 młrd srodkaŭ kredytu. Prahnozny košt prajekta budavańnia AES, pa dadzienych «Rasatama», nie pieravysić $6 młrd, paviedamiŭ surazmoŭca.
Pavodle jaho słoŭ, Rasija padrychtavała i papiarednie uzhadniła ź biełaruskim bokam źmieny ŭ pahadnieńnie.
Dakumient praduhledžvaje padaŭžeńnie pieryjadu vykarystańnia kredytu na 2 hady — da kanca 2022 hoda, zamienu dziejučaj «źmiašanaj» pracentnaj staŭki pa kredycie na fiksavanuju ŭ pamiery 3,3% hadavych, a taksama pieranos daty pačatku pahašeńnia asnoŭnaha doŭhu pa kredytu z 1 krasavika 2021 hoda na 1 krasavika 2023 hoda.
Ahulny finansavy efiekt ad restrukturyzacyi zapazyčanaści Biełarusi na ŭzhodnienych umovach, pa acency rasijskaha boku, budzie supastaŭny z adnačasovym daravańniem abaviazacielstvaŭ respubliki na sumu kala $600 młn.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1515
Kamientary