Pa vynikach pieršaha kvartała 2009 hoda Biełaruś stała lideram siarod krain byłoha SSSR pa tempach rostu aficyjnaha kursu dalara ZŠA da nacyjanalnaj valuty.
Pa vynikach pieršaha kvartała 2009 hoda Biełaruś stała lideram siarod krain byłoha SSSR pa tempach rostu aficyjnaha kursu dalara ZŠA da nacyjanalnaj valuty.
Pra heta śviedčyć praviedzieny BiełaPAN analiz kursaŭ na 31 śniežnia 2008 hoda i 31 sakavika 2009 hoda.
Aficyjny kurs dalara ŭ Biełarusi vyras za hety pieryjad na 28,95%(z 2.200 da 2.837 rubloŭ). U pieršuju piaciorku ŭvajšli taksama Kazachstan, dzie kaciroŭka amierykanskaj valuty pavialičyłasia za try miesiacy na 25,36% (sa 120,77 da 151,4 tenhie), Armienija — na 19,9% (z 306,73 da 367,77 drama), Rasija — na 15,77% (z 29,3804 da 34,0134 rubla) i Tadžykistan — na 10,51% (z 3,4519 da 3,8146 samoni).
Dalej iduć Kyrhyzstan — 8,15% (z 39,4181 da 42,6295 soma), Łatvija — 7,47% (z 0,495 da 0,532 łata), Litva — 6,48% (z 2,4507 da 2,6096 lita), Estonija — 6,17% (z 11,1052 da 11,7905 krony), Małdova — 5,38% (z 10,4002 da 10,9602 leja), Uźbiekistan — 2,8% (z 1.393 da 1.432 sumaŭ), Azierbajdžan — 0,22% (z 0,801 da 0,8028 manata) i Hruzija — na 0,18% (z 1,667 da 1,67 łary).
Nie źmianilisia kursy ŭ Turkmienistanie (2,85 manata) i Ukrainie (7,7 hryŭny).
U samaabvieščanaj Prydniastroŭskaj Małdaŭskaj Respublicy (PMR), dzie jość svaja valuta, kurs dalara vyras na 6,24% (z 8,4715 da 9 rubloŭ).
Kurs dalara da biełaruskaha rubla ŭ sakaviku źniziŭsia na 0,73%.Heta šosty pakazčyk paśla Rasii (4,78%), Estonii (4,56%), Litvy (3,88%), Łatvii (3,8%) i Hruzii (0,83%). Na mienšuju, čym u Biełarusi, vieličyniu źniziŭsia kurs dalara ŭ Azierbajdžanie (0,30%). Nie źmianilisia kursy ŭ Turkmienistanie i Ukrainie. Aficyjnaja kaciroŭka amierykanskaj valuty vyrasła ŭ Armienii (na 20,25%), Kyrhyzstanie (3,57%), Małdovie (2,79%), Tadžykistanie (2,04%), Uźbiekistanie (1,67%) i Kazachstanie (0,64%).
Kamientary