Videabłohier Siarhiej Cichanoŭski zajaviŭ, što idzie na prezidenckija vybary
Błohier i pradprymalnik Siarhiej Cichanoŭski zajaviŭ, što budzie ŭdzielničać u prezidenckaj kampanii. Svoj videazvarot jon źmiaściŭ na Jutubie.
«U minułym hodzie ja byŭ vymušany stać videabłohieram, bo sutyknuŭsia z čynoŭnickim samavolstvam i chałatnaściu. Bolš za 130 tysiač padpisčykaŭ prosiać mianie ŭdzielničać u hetaj kampanii, bo nie vierać i nie bačać nivodnaha kandydata, za jakim mohuć pajści.
«Ja chaču, kab u Biełarusi byli sumlennyja vybary. U svaim videabłohu ja pakazvaŭ šmat rolikaŭ ab falsifikacyi, i ŭ mianie niama sumnieńniaŭ, što ŭ nas usie vybary na praciahu bolš čym 20 hadoŭ byli sfalfikavanyja. Ja chaču, kab u Biełarusi było miascovaje samakiravańnie i kab my sami mahli abirać sabie starast: starastu vioski, horada ci luboha inšaha kiraŭnika i pytać ź jaho, što jon zrabiŭ dla ludziej. Treba kančać z tym, što čynoŭniki ŭstanavili turnikiety, parapiety i nie puskajuć ludziej u harvykankam i rajvykankam rašać pytańni».
«Ja chaču, kab u Biełarusi byli sumlennyja i niezaležnyja sudy. Kožny čałaviek, kali jon maje racyju, moh dakazać heta ŭ sudzie», — kaža Cichanoŭski.
«Ja liču, što my pavinny viarnuć Kanstytucyju, jakuju ŭ nas skrali. Hałoŭny zakon dziaržavy pavinien vykonvacca, zaraz na jaho plujuć», — śćviardžaje błohier.
«U parłamient nie prajšoŭ nivodny niezaležny deputat, parłamient całkam sterylny, takoha być nie pavinna, my pavinny sami abirać».
Cichanoŭski śćviardžaje, što adnaasobny čałaviek užo 26 hadoŭ kiruje krainaj, zachopleny ŭsie haliny ŭłady.
«Ludzi bajacca, jany razmaŭlajuć tolki na kuchni. Krainie patrebnyja pieramieny. 2020 hod budzie hodam pieramien», — kaža Cichanoŭski.
Videabłohier Cichanoŭski pieranios pratesty z anłajna na vulicy. I akazałasia, što «kraina dla žyćcia» zakipaje
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary