5—7 krasavika Minsk ź vizitam naviedaje premjer‑ministr fiederalnaj ziamli Brandenburh Macijas Płatcek u supravadžeńni hrupy pradprymalnikaŭ.
Jak paviedamlaje pres‑słužba pasolstva FRH u Minsku, vizit adbudziecca pa zaprašeńni ministra zamiežnych spraŭ Biełarusi Siarhieja Martynava, jaki ŭ lutym naviedvaŭ Patsdam.
Prahrama vizitu praduhledžvaje sustrečy va ŭradzie i z pradstaŭnikami hramadzianskaj supolnaści. Płanujecca ŭ tym liku sustreča z premjer‑ministram Siarhiejem Sidorskim i ministram zamiežnych spraŭ Biełarusi.
Jak zaznačaje pres‑słužba pasolstva, z vosieni 2008 hoda pamiž Jeŭrasajuzam i Biełaruśsiu adbyvajecca «aściarožnaje zbližeńnie», i ŭ hetym kantekście projduć pieramovy Płatceka z pradstaŭnikami ŭrada. Ich hałoŭnaj temaj budzie pašyreńnie dvuchbakovych adnosinaŭ, asabliva, u ekanamičnaj śfiery.
Pradprymalniki Brandenburha, jakija pradstaŭlajuć firmy, što pracujuć u takich śfierach ekanomiki, jak sielskaja haspadarka i charčavańnie, transpart i łahistyka, enierhietyka, taksama majuć namier aznajomicca z ekanamičnymi mahčymaściami Biełarusi. Pradstaŭnictvam niamieckaj ekanomiki ŭ Biełarusi dla pradprymalnikaŭ z FRH buduć arhanizavanyja pieramovy ŭ biełaruskich kampanijach.
U paviedamleńni dla presy zaznačajecca, što Płatcek vystupaje taksama za pašyreńnie kantaktaŭ u śfiery hramadzianskaj supolnaści. Zapłanavana jaho naviedvańnie škoły № 43 u Minsku, jakaja z 1996 hoda padtrymlivaje partniorskija suviazi z himnazijaj Lizie‑Majtnier u Falkienzieje. 20 vučniaŭ z abodvuch bakoŭ štohod naviedvajuć krainu škoły‑partniora ŭ miežach prahramy školnych abmienaŭ.
6 krasavika ŭ Minskim mižnarodnym adukacyjnym centry imia Jachaniesa Rau premjer Brandenburha vystupić z dakładam ab rehijanalnym supracoŭnictvie ŭ Jeŭropie.
Płatcek užo naviedvaŭ Minsk u kastryčniku 2007 hoda dla ŭdziełu ŭ dyspucie imia J.Rau i pravioŭ šerah sustreč z pradstaŭnikami ŭładaŭ i hramadzianskaj supolnaści.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB31
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary