«My žadajem pieramien». Hrodzienskija vypuskniki praśpiavali Coja na biełaruskaj movie
U redakcyju Hrodna.life dasłali videa na pieśniu Viktara Coja «Pieramien». Na biełaruskaj movie jaje vykanali vypuskniki adnoj z hrodzienskich škoł. Chłopcy raskazali, čamu vyrašyli heta zrabić.
Byłyja školniki adznačajuć, što raniej nie cikaviłasia palitykaj, ale apošnija padziei ŭ krainie, źviazanyja z prezidenckaj kampanijaj, prymusili ich vykazacca.
«Hetym videa my chočam pakazać, što my nieabyjakavyja da situacyi ŭ krainie. My — maładyja hramadzianie Biełarusi, i nam tut žyć. My chočam pieramienaŭ, i heta narmalna. A nienarmalna toje, kali prezident parušaje Kanstytucyju i kiruje krainaj užo 26 hadoŭ. My nie kažam, što drenna žyviom, ale nam niama z čym paraŭnoŭvać i my nie viedajem, jak žyć pry inšym prezidencie».
10 červienia ŭ Minsku na vypusknym himnazist Uładzisłaŭ Rymašeŭski vykazaŭsia pra budučyja vybary.
«Spadziajomsia, 9 žniŭnia adbuducca źmieny. Žyvie Biełaruś!» Pramova minskaha vypusknika na liniejcy ŭzarvała internet VIDEA
Ciapier jon upeŭnieny, što z-za hetaha nie zmoža pastupić va ŭniviersitet. Pa hetaj pryčynie hrodzienskija vypuskniki nie nazyvajuć svaje imiony.
«Svajo videa my stali rychtavać jašče da vypusknych. Pieśniu śpiecyjalna vybrali — jana va ŭsich asacyjujecca ź pieramienami. Tak, dzieści ź pierakładam na biełaruskuju movu atrymalisia nakładki, ale my staralisia. I my razumiejem, što ŭ nas mohuć być prablemy z pastupleńniem z-za hetaha videa i tamu my nie nazyvajem svaich imionaŭ.
Kažuć, u Biełarusi svaboda słova. Maŭčać my nie možam. My nie zaklikajem narod vychodzić na pratesty, my praśpiavali pra situacyju, jakaja adbyvajecca siońnia ŭ krainie: pravakacyi na pikietach i zatrymańni. My ž usio bačym, i heta biesčałaviečna. My chočam, kab u Biełarusi budučyni byŭ vybar. I jašče my čakajem pieramienaŭ u kultury i nie žadajem, kab biełaruskaja mova pamirała».
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary