Siońnia ranicaj Viktar Babaryka i jaho syn Eduard pajechali zdavać čarhovuju častku podpisaŭ. Ciapier jany nie vychodziać na suviaź, telefony nie dastupnyja, pieradaje štab mahčymaha kandydata.
Praŭładny ananimny telehram-kanał «P***» paviedamiŭ, što Viktar i Eduard Babaryki dastaŭlenyja ŭ Departamient finansavych rasśledavańniaŭ dla praviadzieńnia śledčych dziejańniaŭ.
Ananimnaja telehram-pamyjnica «Žoŭtyja z***», dopisy jakoj čaściakom pierastaŭlajuć dziaržaŭnyja miedyi, paviedamiła, što «pry zatrymańni ni adzin, ni druhi nie vystaŭlali pretenzij apieratyŭnikam, nie vystaŭlajuć i ciapier. Pakazańni dajuć».
Potym telehram-kanał ATN_News paviedamiŭ, što Viktar i Eduard Babaryki sapraŭdy byli dastaŭleny ŭ Departamient finansavych rasśledavańniaŭ KDK.
Asnoŭnaja meta — «praviadzieńnie śledčych dziejańniaŭ, źviazanych ź niavypłataj padatkaŭ i lehalizacyjaj niezakonna atrymanych dachodaŭ u ramkach rasśledavańnia kryminalnaj spravy pa Biełhazprambanku».
«Pry zatrymańni ni adzin, ni druhi pretenzij da apieratyŭnikaŭ nie pradjaŭlali, nie pradjaŭlajuć i ciapier. Akuratna dajuć pakazańni», — jorničaje ATN.
Infarmacyja pra toje, što Eduarda Babaryku adpuścili, akazałasia niepraŭdzivaj.
Pieršyja pieratrusy ŭ Biełhazprombanku, mieniedžaram jakoha doŭhi čas byŭ Viktar Babaryka, i ŭ kampanijach siabroŭ Babaryki, adbylisia 11 červienia. Ni pra jakija pretenzii da hetych kampanij nie było viadoma, pakul hety bankir i miecenat nie zajaviŭ pra svaje prezidenckija ambicyi. Jon syšoŭ u adstaŭku z banka ŭ dzień, kali zajaviŭ pra svoj namier bałatavacca.
Sam Babaryka nazvaŭ dziejańni siłavikoŭ i zajavy Łukašenki ciskam na siabie.
«Usia maja dziejnaść, jakaja prachodziła na pasadzie kiraŭnika Biełhazprambanka ciaham 20 hadoŭ, nie vyklikała zaŭvah z boku pravaachoŭnych orhanaŭ, — skazaŭ jon 11 červienia. — My prachodzili ŭsie pravierki, u tym liku Nacbanka. Apošniaja — u studzieni. Ni razu pytańniaŭ nie było. Dziejańni siońniašniaha dnia nosiać zamoŭny charaktar», — skazaŭ jon.
Jon zaklikaŭ pravaachoŭnyja orhany trymacca zakonnaści.
«Ja čakaŭ cisku na mianie, i była infarmacyja, što ŭdar budzie pa mnie. Ale toje, što adbyłosia, pakazvaje, što suprać mianie ničoha niama. Ja hatovy da hetaha», — kaža Babaryka.
«Uvieś cynizm takich dziejańniaŭ u tym, što jany nakiravanyja nie na mianie, a nakiravanyja na maich siabroŭ i ludziej, ź jakimi ja pracavaŭ, — adznačyŭ pretendent na pasadu prezidenta ŭ svaim zvarocie. — Čamu heta zroblena? Bo pramoha kampramatu na mianie niama i ŭ ich jość vialikaja nadzieja, što ludziej zapałochajuć, prymusiać kazać niapraŭdu i ahavorvać druhich ludziej.
Ja mahu z dakładnaściu zajavić, što adzinymi pravilnymi pavodzinami i adkazam u hetaj situacyi, adkazam na hetaje biaźmiežža źjaŭlajecca praciah našaj baraćby.
Ja chaču źviarnucca da ŭsich tych, chto ŭžo padvierhsia dopytam, pieraśledam i vyklikam va ŭpaŭnavažanyja orhany.
Nie bojciesia kazać praŭdu. Nie kažycie chłuśniu, nie ahavorvajcie siabie i inšych ludziej. Kali treba, ja spadziajusia, što sumlennyja ludzi zaŭsiody akažuć vam dapamohu — jak jurydyčnuju, tak i materyjalnuju», — zajaviŭ Babaryka.
Ataki na Babaryku abvastryli tanalnaść jaho vystupaŭ.
«Samaja vialikaja pamyłka ŭ hetych dziejańniach ułady ŭ tym, što toj Biełarusi, jakaja była raniej i jakuju jany papichali jak svoj statak, bolš nie isnuje. Biełaruś pračnułasia. I ja chaču skazać, što novaja Biełaruś źmiacie reštki hetaha staroha režymu», — skazaŭ jon u videazvarocie.
Pieraśled kaleh Viktara Babaryki pačaŭsia, kali stała viadoma, što jaho inicyjatyŭnaja hrupa sabrała rekordnuju dla alternatyŭnaha kandydata kolkaść podpisaŭ — 425 001 pa stanie na siońnia.
Raniej maksimum — 217 tysiač — sabraŭ u 1994-m, jašče na svabodnych vybarach, Zianon Paźniak. U Alaksandra Milinkieviča ŭ 2006-m było 198 tysiač. U Siamiona Domaša ŭ 2001-m — 164 tysiačy.
Čytajcie: Kolki podpisaŭ źbirali demakratyčnyja kandydaty na prezidenckich vybarach? TABLICA
Taksama i šerah apytańniaŭ pakazaŭ, što mienavita Viktar Babaryka moh by stać favarytam sumlennych vybaraŭ.
Babaryka sprabuje vybudavać šyrokuju antyłukašenkaŭskuju kaalicyju z udziełam samych roznych siłaŭ. Jaho kandydaturu padtrymała taksama nobieleŭskaja łaŭreatka Śviatłana Aleksijevič.
Čytajcie taksama: Babaryka zapisaŭ videazvaroty na vypadak svajho zatrymańnia
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary