Fitnes-trenier Šota Łabžanidze staŭ fihurantam pa artykule 189 Kryminalnaha kodeksa — «Abraza». Jak vyśvietliłasia, jon adpraviŭ vaśmiarym členam BRSM krytyčnyja paviedamleńni ŭ instahramie.
Łabžanidze ŭžo zatrymlivali 19 červienia za łancuh salidarnaści. Tady jon pravioŭ niekalki sutak na Akreścina, paśla čaho atrymaŭ štraf pamieram 540 rubloŭ. Jaho pryznali vinavatym u tym, što Šota nibyta vykrykvaŭ łozunhi i supraciŭlaŭsia pravaachoŭnikam.
10 lipienia Łabžanidze zatrymali znoŭ: siłaviki prosta pryjšli ŭ zału, dzie jon treniravaŭsia. Taksama ŭ jaho doma praviali vobšuk.
U Minsku zatrymali fitnes-instruktara Šotu Łabžanidze. Jaho raniej pakarali za łancuh salidarnaści
Ale hetaja sprava źviazanaja nie z łancuhom salidarnaści, a z padziejami kala HC «Dana-Moł». 5 červienia tam prachodziŭ skandalny pikiet BRSM u padtrymku Alaksandra Łukašenki. Na nastupny dzień Łabžanidze adpraviŭ vaśmiarym aktyvistam BRSM u instahramie pryvatnyja paviedamleńni. Kožnaha ź ich jon nazvaŭ «prastytutkaj».
Pakarańnie pa artykule 189 praduhledžvaje štraf, aryšt, vypraŭlenčyja pracy ci navat da 3 hadoŭ «chimii».
Dapoŭniena: Spravu pierakvalifikavali ŭ administracyjnuju. Sud Pieršamajskaha rajona prysudziŭ štraf u pamiery 20 bazavych — 540 rubloŭ.
Čytajcie taksama:
Aktyvisty BRSM razam z deputatam Kliševičam pamyłkova nakinulisia na Ordu: «Kolki vam zapłacili?!» VIDEA
«Ty chvory? Vali adsiul!» Udzielniki pikieta za Łukašenku abo šuhalisia žurnalistaŭ, abo chamili im
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary