Łukašenka: Bankaŭskaja sistema pavinna słužyć narodu

Alaksandr Łukašenka siońnia na sustrečy z členami praŭleńnia Nacbanka zajaviŭ: «Jašče raz paŭtaraju: ja čakaju ad Nacyjanalnaha banka rašučych krokaŭ pa dalejšym raźvićci finansavaj sistemy i pierš za ŭsio pa padtrymcy realnaha siektara ekanomiki, umacavańniu davieru da nacyjanalnaj valuty i pavyšeńni abaronienaści nasielnictva. Bankaŭskaja sistema pavinna słužyć biełaruskamu narodu». Słovy kiraŭnika krainy cytuje sb.by

Kiraŭnik dziaržavy padkreśliŭ, što bankaŭskaja sistema — adzin z klučavych elemientaŭ ekanamičnaj biaśpieki krainy, i asabliva heta adčuvajecca ŭ pieryjad suśvietnaha kryzisu.

Jon nahadaŭ, što pierad novym składam urada była pastaŭlena zadača nie dapuścić padzieńnia ekanomiki sioleta.

— Treba znajści, vychapić kožny šaniec i lubuju mahčymaść dla ruchu napierad. Ad Nacbanka ja taksama čakaju bolš aktyŭnaha ŭdziełu ŭ hetym pracesie. Heta nie letucieńni. My prosta nie možam sabie dazvolić kacicca ŭniz, bo adtul budzie vielmi ciažka padymacca. I, nakolki heta mahčyma, my pavinny ŭtrymacca pry ŭsich prablemach sioleta — skazaŭ kiraŭnik dziaržavy.

Kiraŭnik dziaržavy taksama adznačyŭ, što ŭ apošnija try miesiacy Nacbank svaimi rašeńniami spraściŭ šmat nahladnych abmiežavańniaŭ.

— I paśla niadaŭniaj našaj razmovy źniziŭ staŭku refinansavańnia. Ruch u hetym kirunku akuratna, spakojna treba praciahvać. Vy śpiecyjalisty i prafiesijanały, viedajecie, jak heta rabić nie horš za mianie. Kali stracim zavody, pradpryjemstvy, kalektyvy, nastupnymi buduć banki. Biahučyja ciažkaści vyrašym, ale z 2021 hoda treba pryrastać siaredniesuśvietnymi tempami. Inšaha nie dadziena.

Łukašenka ŭdakładniŭ, što prasiŭ zadać ŭstojlivy trend na źmiakčeńnie finansavaj palityki i pastajanny rost kredytavańnia ekanomiki.

— Pry hetym, viadoma, budziem strymlivać inflacyju. Ale litaralna na praciahu niekalkich dzion adbudziecca razmova z uradam. Pahladzim, jak jany hetym zajmajucca. Jak možna tak zajmacca, kantralavać cenaŭtvareńnie, a ŭ toj ža čas ceny na niekatoryja tavary (užo ŭ ŚMI praślizhvaje) padnialisia amal u dva razy — dadaŭ jon.

Łukašenka pryznačyŭ siońnia novych kiraŭnikoŭ u praŭleńnie Nacyjanalnaha banka, pieradaje BIEŁTA.

Vakansiju namieśnika staršyni praŭleńnia zaniała načalnik Hałoŭnaha ŭpraŭleńnia rehulavańnia bankaŭskich apieracyj, člen praŭleńnia Iłona Ladnickaja.

Na druhi termin paŭnamoctvaŭ člena praŭleńnia pryznačanaja načalnik Hałoŭnaha ŭpraŭleńnia bankaŭskaha nahladu Alena Mašnina. Členami praŭleńnia Nacyjanalnaha banka taksama stali načalnik Hałoŭnaha praŭleńnia apieracyj na finansavych rynkach Dzianis Harahlad i načalnik Hałoŭnaha ŭpraŭleńnia manietarnaj palityki i ekanamičnaha analizu Dźmitryj Muryn.

• 0
• 0
• 0
• 0
• 0
• 0
• 0
• 0