Prync Hary i Miehan Markł padali ŭ sud na paparacy, jakija zdymali dronam ich dzicia
Brytanski prync Hary i i jaho žonka Miehan Markł, jakija žyvuć ciapier u Łos-Andželesie, źviarnulisia ŭ sud na paparacy, jakija zrabili z dapamohaj dronaŭ fatahrafii ich 14-miesiačnaha syna, paviedamlajuć infarmahienctvy.
«Niekatoryja paparacy i ŚMI zapuskali bieśpiłotniki ŭsiaho za 20 futaŭ (6 mietraŭ) nad domam try razy na dzień, kab atrymać fatahrafii muža i žonki i ich maleńkaha syna ŭ ich pryvatnym domie», - havorycca ŭ pazovie.
Miehan Markł i prync Hary adznačyli, što paparacy taksama sprabavali zrabić fatahrafii z dapamohaj viertalota, pralatajučy nad zadnim dvarom ich doma. Akramia taho, jany zrabili dzirki ŭ aharodžy, kab nazirać za siamjoj.
Hiercah i hiercahinia Sasiekskija źviarnulisia ŭ sud, jak tolki daviedalisia, što fatahrafii ich syna Arčy stali pradmietam kupli-prodažu. Adkaźnikami pa pazovie vystupajuć «nieŭstanoŭlenyja asoby». Muž i žonka patrabujuć, kab jany viarnuli ŭsie niezakonna zroblenyja zdymki i ŭstrymalisia ad parušeńnia niedatykalnaści pryvatnaha žyćcia.
Prync Hary i Miehan Markł u studzieni abviaścili pra płany zdabyć finansavuju niezaležnaść, admovicca ad karaleŭskich paŭnamoctvaŭ i raźmierkavać svoj čas pamiž Vialikabrytanijaj i Paŭnočnaj Amierykaj. Ź viasny jany pierastali nazyvacca Jaho i Jaje Karaleŭskaja Vysokaść i atrymlivać dziaržaŭnyja srodki na aficyjnyja mierapryjemstvy.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary