Padčas akcyj pratestu ŭziali modu zakryvać mietro, dyk minčanka dabiłasia kampiensacyi prajezdu
Minčanka Branisłava ŭviečary 15 lipienia vyrašyła źjeździć u centr, pahladzieć, što adbyvajecca. Nie chavaje, jechała ŭ tym liku padtrymać narod, tady la CVK stajała vielizarnaja čarha z achvotnych padać skarhu na admovu ŭ rehistracyi dvuch pretendentaŭ na prezidenckuju pasadu. Da patrebnaj joj «Kastryčnickaj» žančyna nie dabrałasia, bo ciahnik nie spyniaŭsia na centralnych stancyjach pa rekamiendacyi milicyi. Žančyna viarnuła srodki za prajezd. Pra precedent piša TUT.BY.
Branisłava kaža, što 15 lipienia jana vyjechała z Kuncaŭščyny ŭ centr horada, kab pahladzieć, što adbyvajecca.
— Na ŭvachodzie mnie nichto ničoha nie skazaŭ, praviarajučy siadzieŭ u svajoj kabincy. Užo kali my padjazdžali da stancyi, abviaścili, što ciahnik nie spyniajecca dla vysadki pasažyraŭ na stancyjach «Kastryčnickaja», «Kupałaŭskaja», «Płošča Pieramohi», — kaža Branisłava.
Žančyna stała aburacca, jaje padtrymali i inšyja pasažyry.
— Ale mahli b abviaścić adrazu — ja b na tralejbusie dajechała. Jašče adna žančyna pytałasia: «A što heta ŭ nas, vajennaje stanovišča, što mietro nie spyniajecca?»
Z adnoj z pasažyrak my vyrašyli na vychadzie ź mietro patrabavać hrošy, tamu što my ličym, kali niepaładki ŭ mietro, to pavinny papiaredžvać pasažyraŭ na ŭvachodzie.
Vyjšaŭšy na «Niamizie», pasažyry źviarnulisia ŭ kasu, tam pieršapačatkova im admovili ŭ viartańni srodkaŭ: kazali, što treba pravieryć pa kamierach nazirańnia, ci ŭvachodzili žančyny ŭ mietro.
Branisłava pryznajecca, z rabotnikami mietro jana mieła znosiny na padvyšanych tanach: «Tamu što nas daviali da takoha stanu, z nami tak abychodziacca!»
— Pobač prachodzili rabotnicy mietro, jany skazali kasiru vypisać viartańnie. U vyniku tavarny ček vypisali nam i chłopcu.
Zajaŭ pasažyry nie zapaŭniali, košt prajezdu im viarnuli nie hrašyma, a tavarnym čekam na 70 kapiejek, na jakim ukazana pazicyja (žeton), kolkaść i suma.
U jakim pravavym poli znachodzicca vyrašeńnie hetaha pytańnia i jaki miechanizm viartańnia srodkaŭ, žurnalisty zapytalisia ŭ Minskaha mietrapalitena. Kali pryjdzie adkaz na zapyt, TUT.BY jaho apublikuje.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary