U Polščy projdzie tydniovaja akcyja ŭ padtrymku słana‑homaseksuała
Skandał vakoł słana, što trymajecca nietradycyjnaj aryjentacyi, praciahvaje nabirać abaroty. Słon pražyvaje ŭ zaaparku horada Poznań.
Ciapier u horadzie źbirajecca cełaja hrupa abaroncaŭ słana, jakija płanujuć zładzić u traŭni bujnuju tydniovuju akcyju ŭ padtrymku žyvioliny.
Dziesiacihadovy słon Nińjo ŭžo try razy byŭ vymušany mianiać zaapark praz svaju fizijałahičnuju asablivaść.
Spačatku jon žyŭ u Varšaŭskim zaaparku, ale vioŭ siabie, miakka kažučy, nie pryhoža.
Pastajanna teraryzavaŭ słanich, biŭ ich chobatam, šturchaŭ u basiejn, ale byŭ vielmi dalikatny z samcami.
Žyviolinu zbyli ŭ Budapiešt, ale tam jon nie pryžyŭsia.
Słon viarnuŭsia ŭ Polšču, hetym razam pasialiŭsia ŭ Poznanskim zaaparku. Ciapier jon staŭ simvałam Poznani: ludskija natoŭpy šturmam biaruć zaapark, aby pahladzieć na Nińjo.
Adnak administracyja horadu abrynułasia z vostraj krytykaj na słana‑hieja. Tak, radny poznańskaha municypaliteta Michał Hžešč paprakaje słana ŭ tym, što jon nia moža dać patomstva i tym samym źjaŭlajecca ciažaram dla zaaparku.
«My nie dziela taho płacili 37 młn dalaraŭ za samy vialiki ŭ Jeŭropie słanoŭnik, kab tam žyŭ słon‑hiej. Kali my chočam nabyć statak słanoŭ, to Nińjo moža ŭsich raspałochać».
Praŭda, potym Hžešč nazvaŭ skazanaje «žartam». Praŭda, polskuju hramadskaść heta nie supakoiła.
Akcyja ŭ abaronu słana budzie tryvać z 8 pa 16 traŭnia. Miarkujecca pravieści roznyja kancerty, sppiektakli, vystavy. Sabranyja hrošy pojduć na ŭtrymańnie Nińjo.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary