Łukašenka zaprasiŭ Papu ŭ Biełaruś
Siońnia apoŭdni pa biełaruskim časie adbyłasia sustreča Papy Rymskaha Bieniedykta XVI z kiraŭnikom Biełarusi Alaksandram Łukašenkam. Kola taksama ŭ Vatykanie.
Papa Bieniedykt XVI pryniaŭ 27 krasavika ŭ Vatykanie prezidenta Biełarusi Alaksandra Łukašenku. Asabistaja aŭdyjencyja praciahvałasia 25 chvilin, paviedamlajuć italjanskija ŚMI.Baki abmierkavali pierśpiektyvy pašyreńnia supracoŭnictva pamiž Biełaruśsiu i Vatykanam.
«Padčas razmovy, jakaja prachodziła ŭ pazityŭnaj atmaśfiery, byli abmierkavany prablemy, što tyčylisia adnosinaŭ viery i rozumu, mižkanfiesijnaha i mižkulturnaha dyjałohu, — havorycca ŭ paviedamleńni pres‑słužby Vatykana. — Aprača taho, abmiarkoŭvalisia temy mižnarodnaha charaktaru adnosna prasoŭvańnia spravy miru i realnaha prahresu čałaviectva, a taksama niekatoryja ŭnutranyja prablemy Biełarusi, jakija tyčacca katalickaj carkvy i pierśpiektyŭ pašyreńnia supracoŭnictva».
Jak zaznačaje pres‑słužba, paśla aŭdyjencyi ŭ Bieniedykta XVI Łukašenka sustreŭsia ź dziaržsakratarom Vatykana kardynałam Tarčyzijo Bertone i sakratarom pa adnosinach ź dziaržavami Damienikam Mambierci.
Sustreča pantyfika z A.Łukašenkam doŭžyłasia kala 25 chvilin. A.Łukašenka zaprasiŭ Bieniedykta XVI naviedać Biełaruś, «kali na toje budzie vola Hospada». «Naša sustreča zaciahnułasia na doŭhija hady», — zajaviŭ A.Łukašenka.
Pantyfik padaryŭ A.Łukašenku suvienirnuju manietu, biełaruski kiraŭnik — vobraz Isusa Chrysta, zrobleny ź biełaruskich pryrodnych materyjałaŭ.
Na sustrečy A.Łukašenki z T.Bertone razmova išła ab zaklučeńni pahadnieńnia pamiž Biełaruśsiu i rymska‑katalickaj carkvoj pa anałohii z dahavoram, jaki isnuje pamiž Biełaruśsiu i pravasłaŭnaj carkvoj.Było zajaŭlena, što takoje pahadnieńnie budzie padpisana. Aprača taho, baki abmierkavali pytańni supracoŭnictva ŭ śfiery navuki, kultury, archiŭnaj i biblijatečnaj spravy.
Jak zaznačaje «Radyjo Vatykana», Łukašenka prybyŭ da ŭvachodu ŭ Apostalski pałac kala 11 hadzin ranicy pa miascovym časie (u 12 hadzin pa minskim). Jaho ŭ prysutnaści roty šviejcarskich hvardziejcaŭ pryvitaŭ prefiekt pałaca razam z hanarovymi kamierhierami, jakija pravodzili biełaruskaha prezidenta ŭ zału pryjomaŭ papy Bieniedykta XVI.
A.Łukašenku supravadžali ministr zamiežnych spraŭ Biełarusi Siarhiej Martynaŭ i pasoł Biełarusi pry Śviatym Pasadzie Siarhiej Alejnik. Pavodle infarmacyi «Radyjo Vatykana»,
u skład biełaruskaj delehacyi ŭvachodziać «jašče kala 12 čałaviek». Siarod ich byŭ małodšy syn A.Łukašenki Mikałaj.
Čakajecca, što ŭ Italii A.Łukašenka sustreniecca z premjer‑ministram Italii Silvijo Bierłuskoni i ministram zamiežnych spraŭ krainy Franka Fracini.
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej5
Kamientary