Zbornaja Biełarusi pa chakiei z rypieńniem adoleła Vienhryju 3:1 i vyjšła ŭ nastupny raŭnd, zaniaŭšy ŭ hrupie 2-je miesca.
Na čempijanacie śvietu pa chakiei, što prachodzić u Šviejcaryi, padapiečnyja Hlena Chenłana ŭ aŭtorak pieramahli zbornuju Vienhryi ź likam 3:1.
Šajby ŭ biełarusaŭ zakinuli Alaksiej Kalužny (4-ja chvilina), Alaksiej Uharaŭ (55), Michaił Hraboŭski (60). Za piać chvilin da kanca sustrečy lik byŭ 1:1.
Učora Kanada vyjhrała ŭ Słavakii ź likam 7:3.
Turnirnaje stanovišča: Kanada - 9, Biełaruś - 5, Słavakija - 4, Vienhryja - 0.
Zbornyja Biełarusi, Kanady i Słavakii vyjšli ŭ nastupny raŭnd.
Biełarusy majuć na svaim rachunku dva zalikovyja bały, Kanada - 6, Słavakija - 1 (za košt parazy pa bulitach ad biełarusaŭ).
U nastupnym raŭndzie try pieramožcy našaj hrupy «A» zhulajuć z tryma najlepšymi kamandami hrupy «D», kab vyznačyć čatyry kamandy, što trapiać u čverćfinał.
Zbornyja Čechii i Finlandyi ŭžo zabiaśpiečyli sabie vychad u kvalifikacyju.
Chto ź ich voźmie pieršaje miesca ŭ hrupie "D" vyznačycca siońnia. Treciaha ščaśliŭčyka hetaje hrupy vyznačać taksama ŭ sieradu Narviehija i Danija.
Pieršy matč biełarusy ŭ kvalifikacyjnym raŭndzie praviaduć 30 krasavika (pačatak u 17.15) z Narviehijaj ci Danijaj.
2 traŭnia (21:15) našyja zhulajuć z najlepšaj kamandaj hrupy «D», 3 traŭnia (21:15) z druhoj kamandaj hrupy «D».
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej15
Kamientary