Pieršyja ispyty — test pa biełaruskaj movie — projduć 15 červienia. Zavieršycca centralizavanaje testavańnie 1 lipienia testam pa chimii.
4 traŭnia ŭ Biełarusi pačałasia rehistracyja abituryjentaŭ dla ŭdziełu ŭ centralizavanym testavańni. Zhodna z Praviłami pryjomu ŭ vyšejšyja navučalnyja ŭstanovy, rehistracyja budzie doŭžycca da 1 červienia.
Abituryjentu nieabchodna prybyć u punkt rehistracyi, majučy pry sabie dakumient, jaki śviedčyć asobu, a taksama dakumient ab uniasieńni płaty za pryjom i afarmleńnie dakumientaŭ dla ŭdziełu ŭ centralizavanym testavańni. Pamier takoj płaty, jak i letaś, składaje 10 tys. biełaruskich rubloŭ za adzin vučebny pradmiet.
Nahadajem, abituryjent maje prava zarehistravacca dla ŭdziełu ŭ centralizavanym testavańni nie bolš čym pa troch pradmietach: pa biełaruskaj abo ruskaj movie (pa vybary) i pa dvuch pradmietach u adpaviednaści z profilem (kirunkam) śpiecyjalnaści.
Jak paviedamili BiełaPAN u Respublikanskim instytucie kantrolu viedaŭ Minadukacyi, sioleta centralizavanaje testavańnie projdzie paźniej, čym u minułyja hady, što źviazana z pavieličeńniem navučalnaha hoda ŭ škołach. Tak, pieršyja ispyty — test pa biełaruskaj movie — projduć 15 červienia. Zavieršycca centralizavanaje testavańnie 1 lipienia testam pa chimii.
Abituryjent, jaki nie źjaviŭsia na centralizavanaje testavańnie pa ŭvažlivych pryčynach, moža prajści jaho ŭ reziervovy dzień (6 lipienia 2009 hoda), papiarednie zarehistravaŭšysia z 25 červienia pa 2 lipienia ŭ adnym z punktaŭ, jakimi vyznačany: Brescki dziaržaŭny techničny univiersitet, Viciebski dziaržaŭny technałahičny univiersitet, Homielski dziaržaŭny techničny univiersitet imia Suchoha, Hrodzienski dziaržaŭny univiersitet imia Janki Kupały, Biełaruska‑Rasijski univiersitet, Biełaruski dziaržaŭny univiersitet.
Jak paviedamlaŭ BiełaPAN, u 2008 hodzie ŭ chodzie centralizavanaha testavańnia abituryjenty zdali bolš za 457,2 tys. testaŭ (bolš za 511 tys. — u 2007 hodzie).
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ6
Kamientary