«Pracuje kitajski soft»: dla identyfikacyi pratestoŭcaŭ milicyja nibyta vykarystoŭvaje sistemu raspaznavańnia tvaraŭ
U paniadziełak, 12 kastryčnika, minčuka Ihara Skarulisa aštrafavali za ŭdzieł u mitynhu. Jon atrymaŭ 25 bazavych.
Mužčynu pryciahnuli da adkaznaści jašče za žnivieński mitynh z farmuloŭkaj, što jaho asobu vyznačyli praź niejkuju sistemu raspaznavańnia tvaraŭ.
«Mnie niečakana pazvanili z RAUSa, zaprasili pryjści 6 kastryčnika. Ja prakansultavaŭsia z pravaabaroncami, zrazumieŭ, što čakać pozvu možna, ale nie maje sensu, — uzhadvaje Ihar. — U milicyi mnie pakazali majo fota z akcyi 30 žniŭnia. Razdrukoŭka na A4 farmacie.
Na zdymku byŭ ja — idu pa centry praśpiekta. Ad majoj vyjavy išła strełačka — i byli padpisanyja dadzienyja: imia i proźvišča, była fotka z pašparta majho, numar pašparta, data naradžeńnia, usio astatniaje.
Niejki major mnie patłumačyŭ: nibyta pracuje niejkaja sistema, kitajski soft, jaki adsočvaje tvary ludziej. Pa niejkich rysach tvaru sistema nibyta adsočvaje i paraŭnoŭvaje tvary z fatazdymkami z aficyjnych dakumientaŭ: pašpartu, pravoŭ. Nakolki heta praŭda, ja nie viedaju.
Taja sistema znajšła na zdymku, jaki mnie pakazali, dvuch čałaviek: mianie i jašče adnaho čałavieka.
Nu i pa bilinhu telefona jany viedali, što ja tam byŭ».
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary