Zmahańnie «Niomana» za čempijonstva i karanavirus u «Biełšynie». ANONS 26 tura vyšejšaj lihi

«Naša Niva» i Bukmiekierskaja kantora Leon praciahvajuć sačyć za vyšejšaj lihaj.

U «Biełšynie» — karanavirus. Niekalki dzion tamu paviedamlałasia ažno pra 14 zachvarełych u kamandzie, praz heta pieraniesieny jašče adzin matč babrujcaŭ. Pakul składana pradbačyć, jak vymušanaja paŭza paŭpłyvaje na fizičny stan kamandy, jakaja praciahvaje zmahacca za vyžyvańnie.

Klučavy matč minułaha tura ŭ Barysavie skončyŭsia skandałam: prajhrajučy 0:2, BATE zmoh zraŭniać lik, ale paśla refiery Amin Kurhchieli pamyłkova zaličyŭ hoł bresckaha «Dynama».

Paraza BATE i pieraniesieny matč z udziełam «Šachciora» dazvoliŭ «Niomanu» zaskočyć na druhi radok i apynucca za dva bały ad pieršaha miesca. Z ulikam nieskładanaha kalendara haradziency mohuć pazmahacca za «zołata».

Voś vyniki matčaŭ 25 tura:

• «Enierhietyk-BDU» — «Isłač» 1:1 (39, Mavatu — 80, Jansane)
• «Haradzieja» — «Słavija» 1:1 (62, Paźniak — 77, Žuk)
• «Viciebsk» — «Biełšyna» 1:1 (53, Vandersan — 64, Salimaŭ)
• «Tarpieda-BiełAZ» — «Nioman» 0:1 (45+2, Marušyč)
• BATE — «Dynama-Brest» 2:4 (70, Niachajčyk; 79, Milič — 5, Siadźko; 49, Savicki; 90+1, 90+4, Kryviec) 
• «Dynama-Minsk» — «Viciebsk» 1:0 (74, Šykaŭka (p)) 
• «Ruch» — «Słuck» 5:0 (11, Sadoŭski; 35, Nikifarenka; 85, 89, Bahamolski; 90, Kancavy)
• «Minsk» — «Smalavičy» 2:1 (60 (p), Ał. Vasiljeŭ; 72, Anufryjeŭ — 16, Chankievič)
• 2 kastryčnika prajšła pieraniesienaja hulnia «Dynama-Minsk» — «Smalavičy» 2:1 (25 (p), Šykaŭka; 36 (p), Bachar — 61, Džyhiera)

TURNIRNAJA TABLICA

Jakija matčy nas čakajuć u nastupnym tury?

«Słuck» — «Minsk»

• 16.10, 15:30. Słuck, stadyjon «Haradski»
• Kaeficyjenty: «Słuck» (pieramoha) — 3.25; ničyja — 3.90; «Minsk» (pieramoha) — 2.19.

Paśla razhromnych paraz u čempijanacie ad «Ruchu» (0:5) i ad «Šachciora» ŭ kubku (1:4) kiraŭnictva «Słucka» vyrašyła źmianić trenierski štab. Zamiest Alaksandra Končyca kiravać słuččakami budzie jahony ciozka Brazievič, jaki raniej treniravaŭ «Smalavičy».

U nastupnaha supiernika «cukrovych» stanovišča značna palepšyłasia paśla zamieny treniera. Pahladzim, ci atrymajecca pierałamać sumnuju tendencyju novamu štabu.

Prahnoz «NN»: totał, bolšy za 2.5.

«Viciebsk» — «Enierhietyk-BDU»

• 17.10, 16:00. CSK FK «Viciebsk»
• Kaeficyjenty: «Viciebsk» (pieramoha) — 2.05; ničyja — 3.70; «Enierhietyk» (pieramoha) — 3.80.

4 kastryčnika hetyja kamandy ŭžo sustrakalisia ŭ 1/8 kubka, i paŭnočny kłub zdabyŭ minimalnuju pieramohu. Admietny toj matč byŭ i kanceptualnaj formaj «Viciebska» ŭ styli suprematyzmu.

Pavialičyć

Ale praz adklučany ŭ Minsku internet amatary futboła nie zmahli pahladzieć matč anłajn. 

Što tyčycca vystupleńnia ŭ čempijanacie, to abiedźvie kamandy nie mohuć pachvalicca stabilnaściu i susiedničajuć u kancy pieršaj dziasiatki kamand.

Prahnoz «NN»: totał, mienšy za 2.5.

«Nioman» — «Haradzieja»

• 17.10, 18:00. CSK «Nioman»
• Kaeficyjenty: «Nioman» (pieramoha) — 1.43; ničyja — 4.80; «Haradzieja» (pieramoha) — 8.90.

«Haradzieja», «Słavija», «Smalavičy», «Słuck», «Dynama-Brest» — taki kalandar čakaje haradziencaŭ u kancy čempijanatu. Kamanda, jakaja pretenduje na najvyšejšyja pazicyi, musić brać jak minimum 12 bałaŭ z 15 mahčymych.

Ale ŭ toj ža čas supierniki «Niomana» taksama rašajuć svaje zadačy i matčy ź imi buduć daloka nie prostymi. 

Prahnoz «NN»: pieramoha «Niomana».

«Smalavičy» — «Tarpieda-BiełAZ»

• 18.10, 13:45. Smalavičy, stadyjon «Aziorny»

8 kastryčnika Juryju Puntusu spoŭniłasia 60 hadoŭ. Treniera žodzincaŭ pavinšavali nie tolki ŭ kłubie, ale i ŭ Fiederacyi futboła.

Pavialičyć

U padnačalenych Juryja Iosifaviča jość dobraja mahčymaść padaryć trenieru nie tolki «halštuk», ale i pieramohu — hulać im suprać najhoršaj kamandy lihi.

Prahnoz «NN»: pieramoha «Tarpieda».

«Isłač» — BATE

• 18.10, 16:00. Minsk, stadyjon «Traktar»
• Kaeficyjenty: «Isłač» (pieramoha) — 3.60; ničyja — 3.75; BATE (pieramoha) — 2.10.

U apošniaj hulni za «Isłač» Mamo Jansane zdoleŭ adznačycca hołam, jaki prynios kamandzie ničyju. Hviniejec pierajšoŭ u kłub z Mali «Błek Starz», ale jość infarmacyja, što chutka jon apyniecca ŭ Rasii.

Tranśfier dazvoliŭ «Isłačy» zakryć zapazyčanaści pierad hulcami i vydychnuć z palohkaj. «Vaŭki» naŭrad ci pazmahajucca za miedali, ale lidaraŭ spakojna mohuć pakusać. 

Prahnoz «NN»: totał, mienšy za 2.5.

«Šachcior» — «Dynama-Minsk»

• 18.10, 18:00. Salihorsk, stadyjon «Budaŭnik»
• Kaeficyjenty: «Šachcior» (pieramoha) — 1.83; ničyja — 3.95; «Dynama» (pieramoha) — 4.55.

Minskaje «Dynama» paśla čornaj sieryi narešcie zmahło zdabyć dźvie pieramohi zapar. Ale ŭsie try miačy ŭ hetych matčach byli zabityja ź pienalci. Z realizacyjaj u «bieła-błakitnych» jość vidavočnyja prablemy.

«Šachcior» nie hulaŭ u minułym tury praz karanavirus u «Biełšynie», tamu paŭza krychu zaciahnułasia. Ci dapamoža heta minčukam zdabyć pieršuju za try hady pieramohu nad «harniakami»?

Prahnoz «NN»: «Šachcior» pieramoža.

Matč «Słavija» — «Biełšyna» pieraniesieny.

Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!

Pavialičyć

• 0
• 0
• 0
• 0
• 0
• 0
• 0
• 0