U Smalavičach paviazali adzinaccacikłaśnikaŭ, jakija viartalisia z repietycyi valsa
Siońnia ŭ Smalavičach supracoŭnikami milicyi byŭ zatrymany ŭvieś adzinaccaty kłas himnazii, jaki hurtam viartaŭsia centralnaj vulicaj z repietycyi vypusknoha valsa, paviedamlaje Hanna Sieviaryniec.
Chłopčykaŭ pasadzili za kraty, dziaŭčat na łaŭki, pierahaniali z busa ŭ bus, pryvieźli ŭ RAUS, kamandavali stać tvaram da ściany. Žančyna ŭ RAUS mocna ździviłasia i spytała: «Našto vy siudy dziaciej pryvieźli?» I ich vypuścili.
Adzin chłopčyk skazaŭ: «A hety bus ja viedaju, im vykankam jaho vydzieliŭ, my ŭ hetym busie na kancert z arkiestram dva razy jeździli».
Smalavicki dziciačy arkiestr — łaŭreat šmatlikich respublikanskich i mižnarodnych konkursaŭ, piša Hanna Sieviaryniec.
Viadoma, što baćki ŭžo chadzili ŭ RAUS z nahody zatrymańnia dziaciej i im tam skazali, nibyta dzieci łajalisia matam na milicyjanieraŭ. Sieviaryniec śćviardžaje, što hetyja dzieci nie łajucca matam.
«Heta samy mocny kłas u Smalavickim rajonie, z šostaha kłasa jany štohod stanavilisia «Kłasam hoda» himnazii, u ich piać (!) čałaviek iduć na załaty miedal, try čałavieki z kłasa źjaŭlajucca dypłamantami abłasnoj navukovaj kanfierencyi školnikaŭ, tut vučacca šmatrazovyja pieramožcy rajonnych i abłasnych alimpijad pa vučebnych pradmietach, čempijony «Što? Dzie? Kali?» i pieramožcy muzyčnych i spartovych spabornictvaŭ. Heta šče treba było pastaracca narvacca mienavita na hety kłas», — kaža piedahoh.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała19
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary