Ministerstva antymanapolnaha rehulavańnia i handlu prypyniła pracu 10 kram sietki «Śviatłafor» z 30 śniežnia 2020 hoda pa 29 studzienia 2021-ha praz parušeńni zakanadaŭstva ab handli, paviedamiŭ BiełTA načalnik adździeła kaardynacyi kantrolnaj dziejnaści MARH Kirył Słabko.
Ministerstva ŭ ciapierašni čas pravodzić vybaračnyja pravierki TAA «LenPraduktServis» i TAA «MasPraduktServis», jakija pradstaŭlajuć sietku «Śviatłafor». U chodzie pravierki ŭ asobnych handlovych abjektach, raźmieščanych u abłasnych centrach i Minsku, byŭ vyjaŭleny šerah parušeńniaŭ zakanadaŭstva ab handli, u tym liku nie vykonvaŭsia asartymientny pieralik tavaraŭ, pradavałasia pradukcyja sa skončanym terminam prydatnaści. «Jurydyčnyja asoby byli zahadzia apavieščanyja pra toje, što pravierki buduć. Jašče ŭ pačatku druhoha paŭhodździa płan pravierak byŭ raźmieščany na sajcie Kamiteta dziaržkantrolu, dzie ź im možna było aznajomicca. Akramia taho, MARH apaviaściŭ subjektaŭ pra toje, što pravierki pačnucca ŭ listapadzie. Ale nijakich mier dla taho, kab zahadzia likvidavać parušeńni, pryniata nie było», — raspavioŭ Kirył Słabko.
Kramy sietki «Śviatłafor» źjaŭlajucca dyskaŭntarami. Praca abjektaŭ takoha farmatu maje svaju śpiecyfiku. Jak praviła, u prodažy pradstaŭleny tavary paŭsiadzionnaha popytu pa bolš nizkich koštach, vykładka tavaraŭ u handlovaj zale — na składskim abstalavańni.
Asnoŭnyja kryteryi adniasieńnia mahazinaŭ da dyskaŭntara — handlovaja płošča i pamier handlovaj nadbaŭki. Pastanovaj MARH ad 19 listapada 2020 h. № 74 ustanoŭleny asobny asartymientny pieralik tavaraŭ dla takich handlovych abjektaŭ. Z ulikam asablivaściaŭ handlovaha pracesu značna skaročana kolkaść tavarnych pazicyj, jakija padlahajuć uklučeńniu ŭ asartymientnyja pieraliki tavaraŭ, minimizavana kolkaść ich raznavidnaściaŭ.
«Inšymi słovami, u dyskauntaraŭ palehčany asartymientny pieralik — minimum tavarnych pazicyj i najmieńniaŭ. Ale navat hetyja patrabavańni nie vykonvalisia», — padkreśliŭ pradstaŭnik ministerstva.
MARH vydaŭ zahady ab prypynieńni pracy 10 handlovych abjektaŭ sietki «Śviatłafor» na pieryjad z 30 śniežnia 2020 hoda pa 29 studzienia 2021-ha. Kirył Słabko źviarnuŭ uvahu na toje, što paśla likvidacyi vyjaŭlenych parušeńniaŭ subjekty handlu, jakija atrymali takoje pradpisańnie, majuć prava źviarnucca z chadajnictvam ab daterminovym adnaŭleńni raboty kramaŭ.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała15
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary