3 studzienia ŭ vioscy Lenina ŭ Słuckim rajonie znajšli trup 34-hadovaha mužčyny. U zabojstvie vinavaciać raŭnivaha muža jaho kachanki.
«Pavodle papiarednich źviestak, 39-hadovy mužčyna pryraŭnavaŭ 34-hadovaha viaskoŭca da svajoj žonki i ŭdaryŭ nažom. Małady čałaviek ad atrymanych cialesnych paškodžańniaŭ pamior na miescy. Śledčyja znajšli i zabrali nož», — paviedamiŭ Śledčy kamitet.
Volha i Alaksandr A. žyvuć u vioscy Lenina. Šmatdzietnyja baćki: 5 dziaciej. «Zvyčajnaja siamja. Nie prablemnyja, nie ałkaholiki, na ŭlikach nie stajać, — charaktaryzujuć siamju ŭ miascovym sielvykankamie. — Abodva pracujuć u kałhasie, zajmajucca žyviołahadoŭlaj».
Alaksandr pracavaŭ na miascovaj fiermie skotnikam, Volha — cialatnicaj.
Raniej u siamji byli «peŭnyja prablemy», kažuć adnaviaskoŭcy, ale ciapier užo hadoŭ piać jak usio było narmalna. Volha nie piła ŭvohule, Alaksandr moh vypić, ale ałkaholikam jaho nie ličyli.
«Naša Niva» pahavaryła z Volhaj. Žančyna nie zachacieła havaryć padrabiazna, ale nie chavaje: u jaje byŭ raman.
«Ja znajšła svajo sapraŭdnaje kachańnie, — kaža Volha. — Ź im my byli razam amal hod — siomy miesiac pajšoŭ».
Sapraŭdnaje kachańnie Volhi — heta 34-hadovy Raścisłaŭ K. Jon miascovy žychar, taksama pracavaŭ na fiermie skotnikam — razam z mužam Volhi.
«Ja praciahvała žyć z mužam, ale jon staŭ mnie jak čužy. I ciapier ja źbirałasia sychodzić ad muža i padavać na razvod. 2 studzienia ja raskazała pra ŭsio mužu. A treciaha adbyłosia nadzvyčajnaje zdareńnie…» — ścisła raspaviała Volha.
Miascovyja žychary raskazvajuć, što ŭnačy Raścisłaŭ pravodziŭ Volhu dadomu. Alaksandr vyjšaŭ pahavaryć. Słova za słova — zaviazałasia bojka. Padčas jaje Raścisłaŭ atrymaŭ udar nažom.
Ci byŭ Alaksandr pjany — nieviadoma.
Ciapier muž Volhi pad vartaj. Na jaho zaviali spravu za zabojstva, mužčynu pahražaje ad 6 da 15 hadoŭ. Raścisłava K. pachavajuć 5 studzienia na miascovych mohiłkach.
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska3
Kamientary