Mižnarodnyja reziervovyja aktyvy Biełarusi na 1 studzienia 2021 hoda skłali 7 młrd 468,5 młn dalaraŭ ZŠA (u ekvivalencie). Zhodna z Asnoŭnymi napramkami hrašova-kredytnaj palityki ich abjom pavinien byŭ skłaści nie mienš za 7,3 młrd dalaraŭ, paviedamlaje Nacbank.
Za śniežań zołatavalutnyja reziervy vyraśli na 92,1 młn (na 1,2%) paśla źnižeńnia ŭ listapadzie na 109,2 młn (na 1,5%).
U cełym pa vynikach 2020 hoda mižnarodnyja reziervovyja aktyvy skaracilisia na 1,9 młrd dalaraŭ (na 20,5%).
Źnižeńnie ZVR pa vynikach hoda ŭ asnoŭnym abumoŭlena płanavym pahašeńniem uradam i Nacbankam źniešnich i ŭnutranych abaviazacielstvaŭ u zamiežnaj valucie na 3,9 młrd dalaraŭ, u tym liku ŭ śniežni — 227 młn. dalaraŭ ZŠA, a taksama prodažam Nacbankam valuty na biržy.
Padtrymańniu ŭzroŭniu ZVR spryjali pastupleńnie srodkaŭ ad raźmiaščeńnia Ministerstvam finansaŭ na źniešnim i ŭnutranym rynkach ablihacyj, naminiravanych u zamiežnaj valucie, pryciahnieńnie źniešnich dziaržaŭnych pazyk, inšyja pastupleńni zamiežnaj valuty ŭ biudžet, a taksama rost koštu manietarnaha zołata.
U adpaviednaści z Asnoŭnymi napramkami hrašova-kredytnaj palityki na 2021 hod abjom mižnarodnych reziervovych aktyvaŭ na 1 studzienia 2022 hoda z ulikam pahašeńnia ŭradam i Nacbankam pavinien skłaści nie mienš za 6,0 młrd dalaraŭ.
Kamientary