Bloomberg: Zdajecca, vakcyna Sputnik V lepšaja za kitajskuju Coronavac
Ahienctva Bloomberg praanalizavała rasijskuju vakcynu ad karanavirusa Sputnik V. Niahledziačy na ahulny skiepsis, vodhuk atrymaŭsia stanoŭčy. Na dumku staršaha farmanalityka Bloomberg Sema Fazieli, rasijskaja vakcyna, zdajecca, lepšaja za kitajskuju CoronaVac.
Aŭtar adznačaje, što Rasija nie apublikavała źviestki ab svajoj vakcynie na poźniaj stadyi III fazy. Adnak niekatoryja vysnovy možna zrabić pa pres-relizach.
Sputnik V byŭ pratestavany ŭ vyprabavańni fazy III z udziełam 22 714 padyspytnych, z tryma pramiežkavymi analizami, kali kolkaść paćvierdžanych vypadkaŭ dasiahnuła 20, 39 i 78 adpaviedna.
Efiektyŭnaść kožnaha pramiežkavaha analizu ŭ daśledavańni Sputnik V niaźmienna składała 90% abo vyšej. Nie było taksama vypadkaŭ ciažkaj formy Covid-19 u vakcynavanych asob, choć kryteryi vyznačeńnia ciažkaści zachvorvańnia nie jasnyja.
Sputnik V byŭ raspracavany z vykarystańniem pieradavoj technałohii vakcynacyi, jakaja vykarystoŭvajecca ŭ preparatach partniorstva AstraZeneca-Oxford University i Johnson&Johnson. Hetyja dvuchdoznyja vakcyny vykarystoŭvajuć adenavirusnyja viektary.
Razam uziatyja hetyja detali — navat biez vynikaŭ fazy III — dajuć padstavu dumać, što vakcyna Sputnik V całkam moža być mocnym kandydatam. A voś pra kitajskuju vakcynu CoronaVac takoha skazać nielha.
Tamu analityk Bloomberg adznačyŭ, što dla siabie jon vybiraŭ by vakcynu Sputnik V, a nie CoronaVac.
Były ministr kultury Rusłan Čarniecki znajšoŭ sabie padpracoŭku9
Kamientary