Ukrainskija śpiecsłužby: Biełaruś zaprašaje FSB stvaryć na svajoj terytoryi sumiesnyja pasty radyjoelektronnaj vyviedki
Ukrainski kanał TSN apublikavaŭ nibyta pierachopleny śpiecsłužbami list staršyni biełaruskaha Pahrankamiteta Anatola Łapo da namieśnika dyrektara rasijskaha FSB Uładzimira Kulišova.
U im Łapo zaprašaje rasijan «stvaryć sumiesnyja vyviedvalnyja pasty radyjoelektronnaj vyviedki i śpiecyjalnaj techničnaj vyviedki pahraničnych orhanaŭ Rasii na terytoryi Biełarusi z zadziejničańniem śpiecyjalnych techničnych srodkaŭ rasijskaha boku».
Pracavać tam prapanujecca rasijskim śpiecyjalistam.
Voś što pišacca ŭ matyvacyjnaj častcy: «Realizacyja dadzienych zachadaŭ abumoŭlena dalejšym abvastreńniem abstanoŭki na źniešniaj hranicy sajuznaj dziaržavy va ŭmovach praciahłaj dysanacyi isnujučaj sistemy stratehičnaj stabilnaści, narastajučym mižnarodnym ciskam na Respubliku Biełaruś, u tym liku jak vajennaha i palityčnaha sajuźnika Rasijskaj Fiederacyi».
Łapo narakaje, što ciapierašni hrafik sumiesnych mierapryjemstvaŭ nie dazvalaje niepieraryŭnaje nazirańnie «ŭsich vyjaŭlenych apieratyŭna-značnych krynic infarmacyi ŭzajemnaj zacikaŭlenaści».
U čym niebiaśpieka takoha zaprašeńnia?
Ukrainski TSN ałarmuje, što realizacyja hetaj prapanovy dazvolić rasijanam u režymie realnaha času adsočvać uvieś pieramoŭny efir — ad mabilnych telefonaŭ da zašyfravanych kanałaŭ, a taksama bačyć pierasoŭvańni techniki.
Svaju zaniepakojenaść u efiry vykazaŭ i kamandujučy abjadnanych siłaŭ ukrainskaha vojska hienierał-lejtenant Siarhiej Najeŭ.
Ci abhruntavanyja aściarohi našych susiedziaŭ?
«Naša Niva» paprasiła aficyjnaha pradstaŭnika biełaruskaha Pahraničnaha kamiteta Antona Byčkoŭskaha prakamientavać dakumient.
«U im [dakumiencie] niama ničoha pra hranicu z Ukrainaj, — skazaŭ Byčkoŭski. — Jość «sajuznaja dziaržava», jość sumiesnyja płanavyja mierapryjemstvy z kalehami pa zabieśpiačeńni biaśpieki na hranicy».
Ale jašče praź niekatory čas Byčkoŭski dadaŭ, što «maje sumnievy ŭ sapraŭdnaści dakumienta».
Viadoma, što Rasija daŭno dabivajecca raźmiaščeńnia svaich pamiežnikaŭ na hranicach Biełarusi.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary