prosić aryštavany načalnik UBEZ Homielskaj vobłaści.
Aryštavany načalnik upraŭleńnia pa baraćbie z karupcyjaj i ekanamičnymi złačynstvami (UBEZ) UUS Homielskaha abłvykankama Alaksandr Małajeŭ prosić prezidenta «spynić biaźmiežža, jakoje praviać supracoŭniki KDB».
Hety videazvarot źjaviŭsia ŭ interniecie. Va UUS Homielskaha abłvykankama BiełaPAN paćvierdzili, što na im źniaty mienavita Małajeŭ, jaki byŭ aryštavany i źmieščany ŭ śledčy izalatar KDB. Data jaho aryštu nieviadoma.
Źviartajučysia da prezidenta krainy, Małajeŭ paviedamlaje, što UBEZ byŭ raspačaty šerah kryminalnych karupcyjnych spraŭ, pry rasśledavańni jakich supracoŭniki ŭpraŭleńnia pačali vychodzić na kiraŭnictva abłvykankama, harvykankama i miascovych orhanaŭ ułady, i heta mnohim nie spadabałasia.
«Pieryjadyčna pavodle materyjałaŭ našych pravierak u pole zroku stali traplać supracoŭniki KDB», — śćviardžaje Małajeŭ.
Pavodle jaho słoŭ, supracoŭniki KDB nibyta najmali hramadzian, jakija padbuchtorvali da davańnia chabaru supracoŭnikam milicyi roznych uzroŭniaŭ.
U svaim videazvarocie Małajeŭ raskazvaje pra supraćzakonnyja miery, jakija prymianiajuć supracoŭniki KDB u Homielskaj vobłaści. U liku takich mier jon nazyvaje padbuchtorvańnie da davańnia chabaru supracoŭnikam milicyi, šantaž, a taksama pahrozy na adras hramadzian, jakija admaŭlajucca ad dačy łžyvych pakazańniaŭ u dačynieńni da supracoŭnikaŭ UBEZ.
Małajeŭ, u pryvatnaści, śćviardžaje, što niezakonna byŭ aryštavany načalnik upraŭleńnia pa baraćbie z karupcyjaj i ekanamičnymi złačynstvami ŭ śfiery stratehičnych kirunkaŭ UUS Homielskaha abłvykankama Dźmitryj Baranaŭ.
Małajeŭ taksama nahadvaje prezidentu pra niejki film, jaki byŭ zmanciravany, pavodle jaho słoŭ, supracoŭnikami KDB i pakazany Juryju Žadobinu i Alaksandru Łukašenku.
«U vyniku hetaj žachlivaj chłuśni byŭ vymušany padać u adstaŭku ministr MUS Uładzimir Navumaŭ, načalnik hałoŭnaha ŭpraŭleńnia pa baraćbie z karupcyjaj i ekanamičnymi złačynstvami MUS Viktar Jermakoŭ vyzvaleny ad pasady», — havoryć aryštavany.
Pavodle jaho słoŭ, supraćstajańnie pamiž dvuma viedamstvami pačałosia ŭ Žłobinie, kali čekisty stali pravodzić apieratyŭnyja mierapryjemstvy ŭ dačynieńni da načalnika adździeła pa baraćbie z karupcyjaj i ekanamičnymi złačynstvami. Supracoŭniki milicyi tady atrymali ad žycharoŭ Žłobina vosiem zajaŭ nakont niepravamiernych dziejańniaŭ pradstaŭnikoŭ KDB.
Ciapier «uvieś Žłobin žyvie ŭ strachu»,
hramadzianie zapałochany, admaŭlajucca ad davańnia pakazańniaŭ, mnohija ź ich pastupili ŭ balnicy. «Heta — vynik pravierki supracoŭnikaŭ KDB», — śćviardžaje Małajeŭ.
Jon prosić prezidenta razabracca.«Ja vałodaju poŭnaściu infarmacyjaj ab niepravamiernych dziejańniach supracoŭnikaŭ KDB. Daručycie razabracca, kab zakon pieramoh», — źviartajecca jon da kiraŭnika dziaržavy.
Nahadajem, u krasaviku byŭ vyzvaleny ad pasady načalnik homielskaha abłasnoha UUS Siarhiej Šutaŭ, jaho los zaraz nieviadomy.
Na hety čas aficyjnych paćviardžeńnia abo abviaržeńnia zajaŭ Alaksandra Małajeva niama. U pres‑hrupie ŭpraŭleńnia KDB pa Homielskaj vobłaści videazvarot pakul nie kamientujuć.
vidieoobraŝienije Aleksandra Małajeva k priezidientu from lemantar on Vimeo.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary