Siarod novych raspracovak — taksama preparat pa lekavańni raśsiejanaha sklerozu.
U Instytucie bijaarhaničnaj chimii NAN Biełarusi raspracoŭvajucca ŭłasnyja technałohii, jakija dazvalajuć vypuścić šerah impartazamiaščalnych preparataŭ, a taksama novych lekaŭ pa dyjahnostycy raku małočnaj załozy, supraćvirusnyja srodkaŭ.
Vynajdzieny taksama novyja mietady pa lačeńni infarktu mijakarda, raka mačavoha puchira, dyjabietu i h.d. Raniej u našaj krainie praktyčna nie vypuskalisia takija składanyja technałahičnyja miedyčnyja srodki. Adnak atrymałasia vyjści na bolš vysoki ŭzrovień novych lekavych preparataŭ, jakija vykarystoŭvajucca, u tym liku, i ŭ dziciačym ankałahičnym centry.
Razam z tym skłałasia vielmi ciažkaja situacyja z ukarańniem novych lekavych srodkaŭ u praktyku dy na miedycynski rynak. Alena Kaliničenka, namieśnik dyrektara pa navukovaj pracy Instytuta bijaarhaničnaj chimii NAN Biełarusi, na pres‑kanfierencyi 17 červienia raskazała pra niekalki novych raspracovak, jakija pakul nie mohuć dajści da svaich pacyjentaŭ.
Jaskravy prykład, mietodyka pa vyjaŭleńni dyjabietu na samych rańnich stadyjach (i navat prosta schilnaści da hetaha zachvorvańnia).
Hetaja mietodyka była aprabavana na VA «Biełaruśkalij», jakoje spansaravała vynachodnictva. Byli abśledavanyja ŭsie supracoŭniki pradpryjemstva.
«Ale chočacca, kaniečnie, kab hetaja mietodyka była raspaŭsiudžana pa ŭsioj krainie, — zaznačyła Alena Kaliničenka.
Siarod novych raspracovak — taksama preparat pa lekavańni raśsiejanaha sklerozu. «U nas ciažkaści z klinikami, u jakich možna było b jaho vyvučyć, ale vielmi šmat ludziej chvorych na skleroz» — skazała Alena Kaliničenka i zapeŭniła, što paśla daśledavańniaŭ hetyja miedycynskija srodki buduć zapatrabavanyja.
Pryčyny prablemy ŭkaranieńnia novych lekaŭ dy mietadaŭ lačeńnia patłumačyŭ Siarhiej Kabak, prarektar pa navukovaj pracy Biełaruskaha dziaržaŭnaha miedycynskaha univiersiteta: «Dla taho kab niejkija miedycynskija srodki ukaranić, patrebny vialikija hrošy, pryčym hrošy navat bolšyja, čym užo patračany na raspracoŭku hetych lekaŭ.
U Ministerstvie achovy zdaroŭja inavacyjnych fondaŭ niama ŭvohule.
U naš čas nahruzka pa ŭkaranieńni i raspaŭsiudzie lažyć na raspracoŭščykach: ty raspracavaŭ — ty i ukaraniaj, a kali nie ukaraniš — ciabie pakarajuć». A pavinna być jašče i struktura dziaržaŭnaja, jakaja b ukaraniała pradukt, miarkuje jon.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary