Minzdaroŭja časova zabaraniła ŭvozić i pradavać u Biełarusi niekatoruju pradukcyju Nivea
U Biełarusi ŭviedzienaja časovaja sanitarnaja miera pa zabaronie ŭvozu i abaračeńnia asobnych najmieńniaŭ parfiumierna-kaśmietyčnaj pradukcyi handlovaha znaka Nivea. Hetuju pastanovu padpisaŭ 6 krasavika namieśnik ministra — hałoŭny dziaržaŭny sanitarny doktar Alaksandr Tarasienka, paviedamlaje Minzdaroŭja ŭ svaim telehram-kanale.
«Śpiecyjalisty sanitarna-epidemijałahičnaj słužby vyjavili šerah parušeńniaŭ, jakija tyčacca, u tym liku, prodažu takoj pradukcyi biez dakumientaŭ, jakija śviedčać pra jakaść i biaśpieku, nievykanańnia jaje terminu prydatnaści i adsutnaści z boku subjektaŭ haspadarańnia vytvorčaha kantrolu ŭ dačynieńni da hetaj parfumierna-kaśmietyčnaj pradukcyi. Pa asobnych nazvach parfiumierna-kaśmietyčnaj pradukcyi handlovaha znaka Nivea ŭstanoŭlena nieadpaviednaść patrabavańniam Techničnaha rehłamientu Mytnaha sajuza. U pryvatnaści, markiroŭka nie ŭtrymlivaje infarmacyi ab naźvie i miescy znachodžańnia arhanizacyi, upaŭnavažanaj vytvorcam na pryniaćcie pretenzij ad spažyŭca, albo nazva pradukcyi nie adpaviadaje jaje składu, što nie dazvalaje ŭ poŭnaj miery zabiaśpiečyć abaronu pravoŭ spažyŭcoŭ i atrymać dakładnuju infarmacyju ab tavary, što spažyviec nabyvaje», — havorycca ŭ paviedamleńni.
Cikava, što Nivea ŭ studzieni zajaviła, što nie budzie spansiravać ČS pa chakiei, kali jon projdzie ŭ Minsku.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary