Siońnia ŭ sudzie Kastryčnickaha rajona Minska razhledzieli spravu ab niesankcyjanavanym pikietavańni suprać 31-hadovaha Siarhieja Jesisa, paviedamlajuć pravaabaroncy.
Minčuk pryjechaŭ u RUUS pa pytańni kradziažu dvuch rehistracyjnych znakaŭ. Pry ahladzie mašyny supracoŭnik milicyi zaŭvažyŭ na łabavym škle maleńki BČB-ściažok, ściažok Ukrainy i maleńkuju stužačku z čyrvonym arnamientam. Milicyjanier skłaŭ na kiroŭcu pratakoł pa č.1 art. 24.23 KaAP ab niesankcyjanavanym pikietavańni «šlacham raźmiaščeńnia na łabavym škle mašyny ściažka pamieram prykładna 10*20».
Sudzili Jesisa pa skajpie.
Siarhiej na sudzie raspavioŭ, što jon čatyry miesiacy tamu nabyŭ mašynu, a hetyja pradmiety ŭžo znachodzilisia tam. Pa słovach chłopca, jon ich nie vykinuŭ, tamu što jany jamu nie pieraškadžali.
Ale sudździa Alena Žyvica ŭsio roŭna ŭhledzieła ŭ dziejańniach minčuka skład administracyjnaha pravaparušeńnia pa art. 24.23 KaAP i aštrafavała jaho na 80 bazavych vieličyniaŭ (2 320 rubloŭ).
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary