Jana maje namier sustrecca z prezidentam Alaksandram Łukašenkam, ministram zamiežnych spraŭ Siarhiejem Martynavym, aktyvistami apazicyi i hramadzianskaj supolnaści.
Bienita Fierera‑Valdnier prybyła ŭ Minsk pozna ŭviečary 21 červienia.
Pavodle infarmacyi pradstaŭnictva Jeŭrakamisii ŭ Minsku, jana maje namier sustrecca z prezidentam Alaksandram Łukašenkam, ministram zamiežnych spraŭ Siarhiejem Martynavym, aktyvistami apazicyi i hramadzianskaj supolnaści.
Jak zaznačyli ŭ pradstaŭnictvie, Fierera‑Valdnier «vykładzie šlachi, jakimi mohuć raźvivacca adnosiny ES i Biełarusi ŭ budučyni, kali ŭłady zrobiać dalejšyja pazityŭnyja kroki da demakratyi, pavahi pravoŭ čałavieka i niezaležnych ŚMI». Kamisar ES pa źniešnich suviaziach i palitycy dobrasusiedstva, u pryvatnaści, płanuje abmierkavać prahramu ES «Uschodniaje partniorstva» i jaje patencyjał dla Biełarusi.
Čakajecca, što padčas vizitu Fierera‑Valdnier abjavić pra vydzialeńnie Biełarusi 10 młn. jeŭra na prahramu pavyšeńnia jakaści praduktaŭ charčavańnia. «ES hatovy padtrymać Biełaruś u roznych śfierach, tamu mnie pryjemna, što my možam vydzielić 10 młn. jeŭra na pavyšeńnie biaśpieki i jakaści praduktaŭ charčavańnia ŭ Biełarusi», — skazała jana napiaredadni pajezdki ŭ Minsk.
«Heta cudoŭny prykład supracoŭnictva, jakoje moža raźvivacca i dalej, kali Biełaruś abiare pravilny šlach. Pašyreńnie adnosinaŭ pryniasie biezumoŭnuju karyść biełaruskim hramadzianam», — padkreśliła jeŭrakamisar.
Jana zaznačyła, što Biełaruś užo «zrabiła kroki ŭ pravilnym kirunku». «My pryznali heta, zaprasiŭšy Biełaruś da ŭdziełu va Uschodnim partniorstvie, — dadała Fierera‑Valdnier. — Ale dla pašyreńnia našych suviaziaŭ my pavinny bačyć dalejšy ruch pa raźvićci demakratyčnych svabod. Kali my ŭbačym taki prahres, ES zmoža jašče mnohaje prapanavać Biełarusi ŭ roznych śfierach. Našy dalejšyja adnosiny buduć zaležać ad taho, jaki vybar zrobić Biełaruś».
Nahadajem, Bienita Fierera‑Valdnier płanavała naviedać Biełaruś 12—13 sakavika, adnak u apošni momant vizit byŭ pieraniesieny.
Pieršapačatkova ŭ Jeŭrakamisii zajaŭlali, što pieranos źviazany z «pierahružanym hrafikam jeŭrakamisara». Adnak u mai na samicie Uschodniaha partniorstva ŭ Prazie Fierera‑Valdnier patłumačyła: za dva dni da zapłanavanaha vizitu ŭ telefonnaj razmovie jaje papiaredzili ab tym, što Alaksandr Łukašenka nie zmoža jaje pryniać, pakolki palacieŭ u Armieniju.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała21
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary