«Maja Maryna — heta dla mianie samaja vydatnaja biełaruska, jakuju ja viedaju», — kaža jaje muž Vasil Kiškurna.
Muž hałoŭnaj redaktarki Tut.by Maryny Zołatavaj Vasil Kiškurna raskazaŭ pra pieratrus, zatrymańnie žonki i situacyju vakoł Tut.by.
Vasil Kiškurna paviedamiŭ, što advakata da Maryny Zołatavaj nie puścili, bo siońnia nie budzie śledčych dziejańniaŭ. Nakolki zrazumieŭ muž, jana ŭ statusie padazravanaj. Zołatavaj skazali, što jaje adviazuć na Akreścina.
«Šmat hod u mianie było takoje dziŭnaje pytańnie: nu jak heta moža być u našym stanoviščy, što praŭda — na pavierchni? Heta toje pytańnie, ź jakim ja žyvu šmat-šmat hod».
«Ja viedaju, što b dalej ni było, jak by ni składvaŭsia moj ci Marynin los dalej, ja viedaju: heta nie daremna. Što my zvyčajnyja biełarusy, jakija lubiać svaju Baćkaŭščynu, lubiać svaju krainu, svaich ludziej, svoj narod. I ja viedaju, što Maryna, jaje dzieŭki, nu i chłopcy taksama, — jany z narodam i sa svajoj krainaj».
Kamientary