2 červienia ź inicyjatyvy Ministerstva zamiežnych spraŭ adbyłasia sustreča Uładzimira Makieja z kiraŭnikom Kruhłaha stała demakratyčnych sił (KSDS) Juryjem Vaskrasienskim. Razmova doŭžyłasia bolš za hadzinu.
«Havorka viałasia pra nieabchodnaść nacyjanalnaha dyjałohu ŭ krainie, kab źniać peŭnuju napružanaść, što ŭtvaryłasia apošnim časam. Vielmi važna dasiahnuć hramadzianskaha miru i zhody, — kaža Vaskrasienski.
— Było vyrašana, što bazisam dla takoha dyjałohu i kansalidacyi hramadstva pavinna stać pytańnie suvierenitetu i dziaržaŭnaści Biełarusi. Važna nie dapuścić straty subjektnaści našaj krainy. Asabliva aktualnaja takaja paviestka va ŭmovach vonkavaha cisku na Biełaruś».
Baki vyrašyli praciahvać razmovy i kansultacyi i ŭ budučyni. «Siarod inšych prapanoŭ — skarystać patencyjał našych deputataŭ dla narmalizacyi adnosin z krainami-susiedkami, najpierš z Ukrainaj», — kaža spadar Vaskrasienski.
Zakranuli i pytańnie palitviaźniaŭ. Kiraŭnik KSDS padkreśliŭ, što amnistyja ci pamiłavańnie ludziej, jakija znachodziacca za kratami za padziei 2020 hoda, budzie pazityŭna ŭspryniata jak unutry hramadstva, tak i za miežami krainy.
«Tym bolš, što ci nie 90% źniavolenych — heta nie začynščyki dadzienych padziej, a ludzi, jakija vypadkova trapili ŭ žorny sistemy. Ciapier u našym śpisie 515 proźviščaŭ. Tam jość i Babaryka, i Znak, i Kaleśnikava. Naturalna, tam nie budzie ludziej, jakija abvinavačvajucca ŭ teraryźmie. Tam nie budzie Pratasieviča. Na maju dumku, vialikaja dola źniavolenych jakraz i znachodziacca za kratami praź dziejańni Puciły i Pratasieviča».
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała15
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary