Daśledavańnie: u bolšaści vypadkaŭ kavid upłyvaje na psichičnaje zdaroŭje
Infiekcyja moža ŭździejničać na mozh roznym čynam, u tym liku vyklikać stomlenaść i depresiju — pryčym heta bolš charakterna dla lohkich form chvaroby, čym dla ciažkich.
Zhodna z novaj pracaj navukoŭcaŭ, u bolšaści vypadkaŭ kavid upłyvaje na psichičnaje zdaroŭje, i hety ŭpłyŭ čaściej sustrakajecca ŭ vypadku lohkaj formy chvaroby. Taksama, pavodle dadzienych z 215 daśledavańniaŭ, u 43% chvorych na kavid sustrakajecca strata niuchu, u 40% — słabaść, u 38% — stomlenaść, a ŭ 37% — strata smaku. Inšyja raspaŭsiudžanyja prajavy chvaroby ŭklučajuć u siabie bol u muskułach (25% pacyjentaŭ), depresiju (23%), hałaŭny bol (21%) i tryvožnaść (16%).
Kiraŭnik daśledavańnia doktar Džonatan Rodžers z Univiersiteckaha kaledža Łondana tłumačyć, što, zhodna z čakańniami navukoŭcaŭ, upłyŭ kavidu na niervovuju sistemu i psichiku pavinny byŭ być bolš mocny ŭ ludziej ź ciažkaj formaj chvaroby, ale niekatoryja simptomy, naadvarot, bolš prajaŭlajucca ŭ lohkich vypadkach. Jak kaža Rodžers, «zdajecca, što situacyi, kali kavid upłyvaje na psichičnaje zdaroŭje i mozh — heta chutčej norma, čym vyklučeńnie», piša sky.com.
Paralelna z hetym supracoŭniki Univiersiteckaha kaledža Łondana prezientavali inšaje daśledavańnie. Jano pakazała, što paśla pieraniesienaha kavidu ryzyka paŭtornaha zachvorvańnia padaje na termin da dziesiaci miesiacaŭ, ale, tym nie mienš, niekatoryja ludzi ŭsio-tki chvarejuć raniej za hety termin.
-
Kab vypravić prykus, biełaruska rašyłasia na raśpiłoŭvańnie skivicy — i nie paškadavała. Ale vynieści takuju apieracyju zmoža nie kožny
-
Kala 15% biełaruskich par ciarpiać ad biaspłodździa
-
Ekśpierty papiaredžvajuć pra ŭsplosk amal nievylečnaj infiekcyi ź ciažkaj dyjarejaj, jakaja pieradajecca pałavym šlacham
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary