Zielcera vyzvalili kala 22:00 na padstavie ŭkaza Łukašenki ab pamiłavańni. Z kałonii jaho zabirała supracoŭnica pasolstva ZŠA Kerałajn Sevidž.
Amierykanski juryst Emanuił Zielcer, jaki 30 červienia byŭ vyzvaleny z vypraŭlenčaj kałonii Mahilova, vylecieŭ u ZŠA 1 lipienia ŭ 5:30. Pra heta BiełaPAN paviedamiŭ jaho advakat Dźmitry Haračka.
Zielcera vyzvalili kala 22:00 na padstavie ŭkaza prezidenta ab pamiłavańni. Z kałonii jaho zabirała supracoŭnica pasolstva ZŠA Kerałajn Sevidž. Na pasolskaj mašynie Zielcer byŭ dastaŭleny ŭ Minsk.
Ukaz ab pamiłavańni Zielcera byŭ padpisany Alaksandram Łukašenkam 30 červienia paśla jaho sustrečy z delehacyjaj kanhresa ZŠA.
«Jon zatrymany ŭ našaj krainie, asudžany pavodle biełaruskich zakonaŭ, hetaha navat pavierany ŭ spravach ZŠA u Biełarusi Džonatan Mur nie admaŭlaje, — cytuje słovy prezidenta jaho pres-słužba.
— Nikoli nie dumaŭ, što hety čałaviek staniecca pytańniem u stasunkach miž našymi dziaržavami. Tak, pavodle biełaruskich zakonaŭ, pavodle Kanstytucyi ja mahu pamiłavać Emanuiła Zielcera.
Vy źviarnulisia da mianie z hetaj prośbaj, ci nie tak? Kali heta dla Amieryki vielmi važna i budzie sadziejničać narmalizacyi našych stasunkaŭ, ja siońnia ž padpišu ŭkaz».
Časovy pavierany ŭ spravach ZŠA Džonatan Mur vitaŭ rašeńnie biełaruskich uładaŭ pra vyzvaleńnie Zielcera, nazvaŭšy jaho «krokam nasustrač». «Dalejšaje raźvićcio adnosin zaležyć ad krokaŭ abodvuch bakoŭ», — skazaŭ jon.
U žniŭni 2008 hoda juryst Zielcer byŭ pryhavorany Minskim haradskim sudom da troch hadoŭ pazbaŭleńnia voli za vykarystańnie zaviedama niepraŭdzivych dakumientaŭ i zamach na kamiercyjny špijanaž. 31 kastryčnika Viarchoŭny sud pakinuŭ prysud u sile. Svajoj viny Zielcer nie pryznaŭ.
8 červienia Zielcer abjaviŭ haładoŭku ŭ znak pratestu suprać dziejańniaŭ Minskaha harsuda, jaki zaciahvaŭ padavańnie ŭ kałoniju dakumientaŭ, nieabchodnych dla jaho amnistyi. 25 červienia asudžany prypyniŭ haładoŭku da kanca miesiaca.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary