Prajšli matčy ŭ adkaz pieršaha kvalifikacyjnaha raŭndu Lihi Jeŭropy.
Prajšli matčy ŭ adkaz pieršaha kvalifikacyjnaha raŭndu Lihi Jeŭropy. Na hetym etapie Biełaruś pradstaŭlali dźvie kamandy. Tydzień tamu minskaje «Dynama» doma vyrvała pieramohu ŭ makiedonskaj «Renovy» (2:1), a MTZ‑RIPA ŭ Čarnahoryi syhraŭ uničyju ź miascovaj «Sućjeskaj» — 1:1.
Vyniki pakidali biełarusam dobryja šancy na praciah baraćby, i jany imi skarystalisia. «Dynamaŭcy» ŭ Skopje syhrali ŭ ničyju 1:1. Lik adkryli makiedoncy, ale Siarhiej Kiślak na 38‑aj chvilin ź pienalci adnaviŭ ličby na tabło.
«Traktarazavodcy» doma zładzili dosyć niervovuju hulniu z «Sućjeskaj». Kamandy byli prykładna adnaho ŭzroŭniu, tamu doŭhi čas hałoŭ niešmatlikija balelščyki nie bačyli. Pieršy tajm razam z prostymi amatarami na trybunie siadzieŭ Alaksandr Hleb razam z małodšym bratam Viačasłavam.
U druhim tajmie čarnahorcy vyjšli napierad, ale ŭžo praz paru chvilin Mikałaj Ryndziuk, jaki vyjšaŭ na zamienu, adyhraŭsia. Asnoŭny čas tak i skončyŭsia ź ničyjnym likam. Arbitr byŭ vymušany pryznačyć dva dadatkovyja tajmy pa 15 chvilin.
Pieramahčy mahli, jak adny, tak i inšyja. Ale pašancavała bolej minčanam. Pieramohu im prynios usio toj ža Ryndziuk. Za paru imhnieńniaŭ da skančeńnia hulni «Sućjeska» zabiła, ale narviežski sudździa admianiŭ hoł praz afsajd.
Takim čynam u druhim kvalifikacyjnym raŭndzie «Dynama» sustreniecca z narviežskim «Tromse», MTZ‑RIPA — z danieckim «Mietałurham». Taksama na hetaj stadyi startuje navapołacki «Naftan», jaki pamierajecca siłami ź bielhijskim «Hientam».
Na nastupnym tydni startuje i Liha čempijonaŭ. Supiernikam BATE budzie kłub «Makiedonija».
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ6
Kamientary