U listapadzie projdzie ŭstnanoŭčy źjezd Asacyjacyi piśmieńnikaŭ sajuznaj dziaržavy. Pra heta na pres‑kanfierencyi ŭ Minsku 15 lipienia paviedamiŭ staršynia praŭładnaha Sajuzu piśmieńnikaŭ Biełarusi.
Upieršyniu pytańnie pra stvareńnie sajuznaj piśmieńnickaj arhanizacyi było pastaŭlena viasnoj 2008 h., ale tak i nie było relizavanaje.
Mikałaj Čarhiniec zapeŭniŭ, što Asacyjacyja piśmieńnikaŭ sajuznaj dziaržavy abaviazkova budzie stvorana.
«My źviarnulisia ŭ našy sajuznyja struktury dy ŭnieśli prapanovu ŭtvaryć Asacyjacyju piśmieńnikaŭ sajuznaj dziaržavy, atrymali padtrymku. U kastryčniku minułaha hoda pry abmierkavańni biudžetu na hety hod my ŭnieśli źmieny ŭ biudžet, vydatkavali 1,5 młn rasijskich rubloŭ na pieršy źjezd.
Čarhiniec padkreśliŭ taksama, što prezident Łukašenka padtrymaŭ inicyjatyvu dvuch piśmieńnickich arhanizacyj ab vydańni supolnaha 50‑tomnika, pa 25 knih ad kožnaj krainy.
«Było skazana akazać usialakaje sadziejničańnie dla praviadzieńnia hetaha źjezdu: pradastavić zalu, pryniać haściej z Rasiei. Vy viedajecie, što piśmieńniki vielmi pasiŭnyja ŭ haračy čas hoda. Tamu my žadajem dzieści ŭvosień, moža być naprykancy listapada, pravieści hety źjezd. I chutčej za ŭsio praviadziem jaho ŭ Minsku», - skazaŭ Čarhiniec.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary