Zianon Paźniak: «Na vybary z Łukašenkam pojduć pravakatary ci niehłybakadumnyja»
Padčas abmierkavańnia płanaŭ dziejnaści na lipieńskim sojmie KCHP-BNF bližejšy čas było pryniata rašeńnie, što ŭdzieł u vybarach razam z «uzurpataram Łukašenkam niedapuščalny», paviedamiła infarmkamisija partyi.
Padčas abmierkavańnia płanaŭ dziejnaści na lipieńskim sojmie KCHP-BNF bližejšy čas było pryniata rašeńnie, što ŭdzieł u vybarach razam z «uzurpataram Łukašenkam niedapuščalny», paviedamiła infarmkamisija partyi.
«Sutnaść našaha padychodu ŭ tym, što vybary pavinny pierš za ŭsio adpaviadać Kanstytucyi i zakonu. Łukašenka — uzurpatar ułady i parušalnik Kanstytucyi. Jon nie maje prava i nie pavinien čaćviorty raz udzielničać u vybarach. Vybary z udziełam Łukašenki, kali b takoje adbyłosia, stracili b usialaki kanstytucyjny, zakonny sens. Heta było b nielehalnaje mierapryjemstva, jakoje (my viedajem) vykarystoŭvaje da taho ž antydemakratyčnyja niezakonnyja mietady hałasavańnia («administracyjny resurs», falsifikacyju, papiaredniaje hałasavańnie, hałasavańnie z abjaznoj skrynkaj pa damach i h.d.). Ludzi, jakija zhadzilisia b udzielničać u takim mierapryjemstvie, tym samym padtrymlivali b jaho antykanstytucyjnaść i nielehalnaść, dapamahali b režymu lehitymizavać jahonuju vybarčuju afieru», — zajaviŭ staršynia KCHP-BNF Zianon Paźniak.
«My bačym užo ciapier, što ludziej takich dastatkova, jakija hatovyja spryjać čarhovamu padaŭžeńniu režymnaha aŭtarytaryzmu, — kaža palityk. — Adny ź ich zapisnyja pravakatary, inšyja hłyboka nie zadumvajucca. Paźbiehnuć pravakataraŭ, jak praviła, nie ŭdajecca. Ale, paŭtarusia, hałoŭnaja zadača — Łukašenka nie pavinien udzielničać u vybarach.U vypadku, kali hety pryncyp budzie parušany i Łukašenka ŭ čarhovy raz pojdzie na vybary, tady apraŭdany bajkot hałasavańnia. Treba ŭličyć, što bajkot prezidenckich vybaraŭ arhanizavać vielmi ciažka. Tym nie mienš iści na niezakonnyja vybary i tym samym pryznavać i lehalizavać parušeńnie asnoŭnaha zakonu, cynizm i ašukanstva — nielha. U vypadku, kali Łukašenka nie budzie ŭdzielničać u vybarach, naša narodnaja partyja vystavić svajho kandydata».
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary