U Minsku 48-hadovaha markietołaha aryštavali na 30 sutak za BČB-nalepki ŭ piŭnym bary
U paniadziełak u sudzie Centralnaha rajona razhladzieli spravu pa artykułach 24.23 i 24.3 KaAP suprać 48-hadovaha Rusłana Mialeški. Jaho zatrymali jašče ŭ piatnicu, 5 listapada, ale da suda ŭtrymlivali na Akreścina, paviedamlajuć pravaabaroncy.
Zhodna z pratakołam, Rusłan Mialeška «pryniaŭ u nieŭstanoŭleny čas udzieł u pikietavańni, a mienavita raźmiaściŭ šmatlikija nalepki ŭ BeerCap Barshop pa vulicy Hiercena, 10». Akramia hetaha, 5 listapada ŭ 21:25 u Centralnym RUUS «akazaŭ niepadparadkavańnie supracoŭniku Aleksandroviču: admoviŭsia prajści ŭ RUUS pa fakcie razboru ŭ padazreńni va ŭdziele ŭ pikiecie, upiraŭsia nahami, chapaŭsia za formiennaje abmundziravańnie».
Vinu na sudzie mužčyna nie pryznaŭ.
Mialeška na sudzie padkreśliŭ, što nie źjaŭlajecca dyrektaram baršopa, a źjaŭlajecca indyvidualnym pradprymalnikam, jaki akazvaje markietynhavyja pasłuhi.
Jon raspavioŭ, što dniom 5 listapada jamu patelefanavali i skazali, što treba pravieryć u kramie kamiery videanazirańnia dla padklučeńnia ich da niejkaj sistemy. Kali jon adčyniŭ dźviery, to sihnalizacyja ŭžo była źniataja. U baršopie milicyjanty ŭ jaho zapytvalisia, jakoje piva lepš.
«Para supracoŭnikaŭ prajšłasia, usio pahladzieli, pahladzieli kamiery. My razyšlisia», — raspaviadaŭ Mialeška.
Adnak uviečary supracoŭniki pryjechali da jaho dadomu i zabrali ŭ RUUS dla hutarki:
«Jašče pakuryli tam kala RUUS».
Pa słovach Mialeški, u Centralnym RUUS spytali, adkul mahli źjavicca nalepki. Adkazaŭ, što byvaje tam raz na tydzień i paviesić nalepki moh chto zaŭhodna. Taksama mužčyna zajaviŭ na sudzie, što 5 listapada ŭ baršopie nalepak nie bačyŭ. Ale pravierka interjeru na najaŭnaść abo adsutnaść nalepak u jaho abaviazki nie ŭvachodzić.
Na sudzie dapytali śviedku Aleksandroviča, jaki zrabiŭ fatahrafiju z BČB-nalepkami ŭ baršopie 5 listapada. Jon zajaviŭ, što nalepki ŭ baršopie raźmieščanyja tam, dzie «naviedvalniki nie zmahli b ich raźmiaścić, heta značyć u miescach raźmiaščeńnia piersanału».
Pavodle jaho słovaŭ, supracoŭniki paćvierdzili, što jon źjaŭlajecca asnoŭnym kiraŭnikom ustanovy i «Mialeška sam paćvierdziŭ, što raźmiaściŭ nalepki ŭ suviazi ź jaho hramadzianskaj pazicyjaj».
«Mnie ŭžo 50 hadoŭ. Ja ŭžo darosły čałaviek. Ja nie ŭdzielničaŭ u akcyjach navat. Navošta mnie niejkimi nalepkami psavać sabie žyćcio? Moža, heta pamyłka abo padstava niejkaja. Nie viedaju, jak heta nazvać», — skazaŭ na sudzie Mialeška.
U vyniku sudździa Dźmitryj Karsiuk aryštavaŭ mužčynu na 30 sutak pa dvuch artykułach KaAP.
-
U Varšavie zamiežnikaŭ praviarali «patrulnyja» ŭ formie, jakija nie majuć dačynieńnia da dziaržaŭnych orhanaŭ
-
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli
-
21‑hadovaha chłopca sa Śvietłahorska pasadzili za palityku. Chłopiec žyŭ u dzietdomie, a niadaŭna sam staŭ baćkam
Ciapier čytajuć
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli1
Kamientary