Litoŭskuju aktyvistku, jakaja pastajanna hojsała ŭ Minsk, asudzili da abmiežavańnia voli za admaŭleńnie złačynstvaŭ SSSR
Vilenski akruhovy sud u sieradu prysudziŭ Erycy Šviančenienie paŭtara hoda abmiežavańnia svabody bieź intensiŭnaha nahladu za publičnaje admaŭleńnie złačynstvaŭ SSSR, paviedamlaje LRT.
Akramia taho, Šviančenienie abaviazanaja na praciahu ŭsiaho terminu adbyćcia pakarańnia pracavać abo stajać na ŭliku ŭ Słužbie zaniataści, a taksama nieadkładna vydalić sa svajho akaŭnta ŭ fejsbuku publičny zapis, jaki hruba prynižaje značeńnie trahiedyi ŭ Miednikach.
Astatniuju častku prysudu Vilenskaha ŭčastkovaha suda sud pakinuŭ bieź źmienaŭ, a apielacyjnuju skarhu advakata Švienčenienie Śviatłany Najdzienka adchiliŭ.
«Davodziłasia, što asudžanaja, apublikavaŭšy hety zapis, nie admaŭlała fakt trahiedyi ŭ Miednikach [31 lipienia 1991 hoda byli zabityja savieckimi amapaŭcami siamiora litoŭskich mytnikaŭ — NN], nie prynižała achviar, a tolki vykazała svajo mierkavańnie i ŭźniała pytańnie ab abstavinach rasśledavańnia spravy, abapirajučysia na ahulnadastupnyja krynicy. (…) Sud, biezumoŭna, zhodny z tym, što kožny čałaviek maje prava vykazvać svaje pierakanańni i mierkavańni, adnak hetym pravam nieabchodna karystacca naležnym čynam», — patłumačyła sudździa.
U lutym Vilenski haradski ŭčastkovy sud asudziŭ Švienčenienie za toje, što ŭ lipieni 2024 hoda, u 33‑iu hadavinu trahiedyi ŭ Miednikach, jana naŭmysna, u abraźlivaj formie apublikavała ŭ Facebook zapis, jaki hruba prynižaje ahresiju SSSR suprać Litvy ŭ 1991 hodzie. Za heta jana była aštrafavana na 3750 jeŭra.
Eryka Šviančenienie sa svaimi prychilnikami pa Asacyjacyi «Mižnarodny forum dobrasusiedstva» nieadnarazova pryjazdžała ŭ Biełaruś, dzie brali ŭdzieł u praŭładnych mierapryjemstvach, a taksama zaprašalisia ŭ prapahandysckija pieradačy, dzie ŭ jakaści zamiežnych ekśpiertaŭ raskazvali roznyja niebylicy pra Litvu i Jeŭrasajuz.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie2
Kamientary
( taksama " zahončyk Biełarusi" mały byŭ)
Da čaho?? Na budučyniu...i zaraz jeść žurnalisty i ni tolki