Litoŭskija prakurory zanialisia miascovymi prychilnikami Pucina i Łukašenki
Hienprakratura Litvy ščylna zaniałasia rasśledavańniem dziejnaści Asacyjacyi «Mižnarodny forum dobrasusiedstva» i źviazanymi ź joj asobami, jakija padazrajucca ŭ dziejnaści suprać Litvy. U čaćvier pa hetaj spravie pravodzilisia pieratrusy i pradjaŭlalisia abvinavačvańni, paviedamlaje Delfi.
Pieratrusy prajšli ŭ Eryki Švienčenenie, Mindaŭhasa Ramoški, Kazimierasa Jurajcisa i inšych dziejačaŭ, viadomych siarod inšaha tym, što apošni hod jany ideałahična absłuhoŭvali nie tolki pucinski, ale i łukašenkaŭski režym.
Jany nieadnarazova pryjazdžali ŭ Biełaruś, dzie brali ŭdzieł u praŭładnych mierapryjemstvach, a taksama zaprašalisia ŭ prapahandysckija pieradačy, dzie ŭ jakaści zamiežnych ekśpiertaŭ raskazvali roznyja niebylicy pra Litvu i Jeŭrasajuz.
Eryka Švienčenenie, pavodle śćviardžeńnia biełaruskich prapahandystaŭ, na dadzieny momant zatrymanaja, ale aficyjnaha paćviardžeńnia hetamu pakul niama.
«Z ulikam asablivaściaŭ hetaha rasśledavańnia i taktyčnych rašeńniaŭ, nieabchodnych dla zabieśpiačeńnia jaho pośpiechu, nijakaj padrabiaznaj infarmacyi ab padazravanych, ich kolkaści, asobach i inšych nie budzie», — skazana ŭ paviedamleńni.
Rasśledavańnie pa padazreńni ŭ dapamozie inšaj dziaržavie dziejničać suprać Litvy było raspačata 5 žniŭnia hetaha hoda. Pavodle acenki litoŭskaj prakuratury, realnyja mety stvareńnia arhanizacyi «Mižnarodny forum dobrasusiedstva» niezakonnyja i supiarečać hramadskamu paradku.
Staršynia «Mižnarodnaha forumu dobrasusiedstva» Eryka Švienčenenie paviedamlała pra toje, što ź inšym siabram arhanizacyi Erykasam Jahiełavičusam jany jeździli ŭ jakaści naziralnika na «refierendumy», jakija prachodzili na akupavanych Rasiejaj ukrainskich terytoryjach. Adnak, viarnuŭšysia z pajezdki, Švienčenienie zajaviła, što na Danbas joj patrapić nie ŭdałosia. Ci praŭda heta, Departamient dziaržbiaśpieki Litvy nie paviedamlaje.
Čytajcie taksama:
Biespracoŭny z sudzimaściu, niania, administratar hatela i admaŭlalnik Chałakostu. Kaho łukašenkaŭskaja prapahanda vydaje za zamiežnych ekśpiertaŭ?
Antyvaksier, «trochi anarchist», prychilniki SSSR i rasijskaha špijona. Makiej sustreŭsia z «Delehacyjaj hramadzian Litvy». Raskazvajem, chto hetyja ludzi
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ4
Kamientary
Kak tiesien mir :)))