67% žycharoŭ Mahiloŭščyny padtrymlivajuć maski ŭ hramadskich miescach
Centr sacyjałahičnych daśledavańniaŭ infarmacyjna-analityčnaj pracy pry «Mahiloŭskich viedamaściach» u vieraśni pravioŭ apytańnie, što žychary rehijona dumajuć pra baraćbu z kavidam. 67% padtrymlivajuć ideju nasić maski ŭ hramadskich miescach. Što da vakcynacyi, to «za» vystupaje mienš za pałovu apytanych — 47%.
Sacyjołahi taksama spytali, što dumajuć žychary Mahiloŭskaj vobłaści pra toje, što ŭłady nie ŭvodzili łakdaun u suviazi z pandemijaj. Tut mierkavańni padzialilisia na try hrupy, bolš za ŭsich ideju łakdauna padtrymlivajuć ludzi siaredniaha ŭzrostu, to-bok najbolš pracazdolny kłas.
Što da vakcynacyi, to 47% padtrymlivajuć ideju, pry hetym na pytańnie, ci hatovyja vy asabista zrabić pryščepku, 26% adkazali, što ŭžo zrabili, 30% zajavili, što płanujuć zrabić. 34% žycharoŭ Mahiloŭščyny nie hatovyja sami vakcyjanavacca, suprać pryščepki vystupaje 9% apytanych. Dadzienyja ahučyła sacyjołah Śviatłana Lichačova padčas dyskusii «Sacyjalnaje raźvićcio rehijonaŭ ŭ lusterku sacyjałohii», pieradaje BIEŁTA.
Nahadajem, paśla hučnaj zajavy Łukašenki pra toje, što nie treba prymušać ludziej nasić maski ŭ hramadskich miescach i nie treba pryciahvać da adkaznaści parušalnikaŭ, pa krainie stali masava prybirać abviestki pra toje, što nasić maski abaviazkova.
Tym časam miedyki va ŭsim śviecie nastojvajuć, što maski dapamahajuć spynić raspaŭsiud infiekcyi. Masavaja vakcynacyja ž ličycca najbolš efiektyŭnym sposabam baraćby ź virusam.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy7
Kamientary