Chłopcaŭ, jakija pamierli try hady tamu, padazravali ŭ ździajśnieńni vybuchu 3 lipienia.
Chłopcaŭ, jakija pamierli try hady tamu, padazravali ŭ ździajśnieńni vybuchu 3 lipienia.
U Kareličach supracoŭniki pravaachoŭnych orhanaŭ iznoŭ aktyvizavali pracu pa daktyłaskapii miascovych mužčynaŭ. Praviarajuć u tym liku i tych, chto padoŭhu vyjazdžaje na pracu za miažu. Nie abyšłosia i biez sumnych kurjozaŭ. 28 lipienia a pałovie na adzinaccatuju nočy milicyjanty pryjšli ŭ adzin z damoŭ. U dvuch siemjach jany pacikavilisia synami haspadaroŭ, zajaviŭšy, što chłopcy padazrajucca ŭ ździajśnieńni vybuchu ŭ Minsku 3 lipienia 2008 hodu. I voś jakoje strašnaje supadzieńnie — abodvuch užo niekalki hadoŭ niama ŭ žyvych.
Varta adznačyć, što heta nie pieršy vypadak, kali ŭ vyniku tatalnaj daktyłaskapii supracoŭniki pravaachoŭnych orhanaŭ šukali padazravanych siarod niabožčykaŭ. Hod tamu supracoŭniki śpiecsłužbaŭ zajavilisia ŭ siamju niabožčyka Kanstancina Myśliŭca — byłoha aktyvista partyi BNF, lidera apazicyi ŭ rajcentry Drahičyn, kab uziać u jaho adbitki palcaŭ.
Kamientary