U Kramli čakajuć, što «Hazprom» vykanaje svaje abaviazacielstvy pa kantraktach na pastaŭku hazu ŭ Jeŭropu i situacyja vakoł Biełarusi nie paŭpłyvaje na heta.
Takim čynam pres-sakratar prezidenta Rasii Dźmitryj Piaskoŭ adreahavaŭ na novuju pahrozu Alaksandra Łukašenki spynić tranzit hazu, piša TASS.
«My pa-raniejšamu chočam spadziavacca, što ništo nie pieraškodzić RF i dalej biezdakorna vykonvać svaje abaviazacielstvy pa kantraktach», — skazaŭ jon, kamientujučy słovy Łukašenki ab tym, što Minsk moža prypynić tranzit hazu, kali z-za sankcyj Zachadu kraina apyniecca ŭ «nadzvyčajnym stanoviščy».
Raniej u intervju tureckaj teleradyjokampanii TRT Łukašenka zajaviŭ, u vypadku, kali heta adbudziecca i inšaha sposabu adkazać na sankcyi nie budzie, Minsk skarystajecca «i hetaj žorstkaj mieraj», majučy na ŭvazie pierakryćcio tranzitu hazu.
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary