Trenierskaja rada zaćvierdziła skład biełaruskaj kamandy na XII čempijanat śvietu pa lohkaj atletycy, jaki projdzie 15‑23 žniŭnia ŭ Bierlinie.
Trenierskaja rada zaćvierdziła skład biełaruskaj kamandy na XII čempijanat śvietu pa lohkaj atletycy, jaki projdzie 15‑23 žniŭnia ŭ Bierlinie.
U zbornuju ŭvajšli 26 spartoŭcaŭ: pa 13 žančyn i mužčyn, paviedamiła karespandentu BIEŁTA pres‑ataše Biełaruskaj fiederacyi lohkaj atletyki Nastaśsia Marynina.
U liku tych, chto adpravicca na płanietarny forum, alimpijskija čempijonki Elina Źvierava, Julija Nieściarenka, Aksana Miańkova. Vystupiać na turniry siarebranyja pryziory Alimpijady ŭ Piekinie Andrej Kraŭčanka i Natalla Michnievič, a taksama bronzavy pryzior Andrej Michnievič.
Upieršyniu na suśvietnym forumie vystupiać 15 maładych spartsmienaŭ. U ich liku finalisty Alimpijady‑2008 Darja Pčelnik i Uładzimir Kazłoŭ, pieramožca maładziožnaha čempijanatu Jeŭropy i Suśvietnaj univiersijady‑2009 małatabojec Juryj Šajunaŭ, siarebranyja pryziory maładziožnaha čempijanatu Jeŭropy biahuńnia Nastaśsia Mirončyk i chadok Dzianis Simanovič, bronzavy pryzior maładziožnaha čempijanatu Jeŭropy Alena Kijevič.
Miarkujecca, što biełaruskim atletam pa siłach zavajavać 2‑3 uznaharody płanietarnaha forumu.
Skład biełaruskaj kamandy:
mužčyny: 110 m z barjerami — Maksim Łynša; trajny skačok — Dźmitryj Dziacuk; skačok u vyšyniu — Arciom Zajcaŭ; šturchańnie jadra — Andrej Michnievič, Pavieł Łyžyn, Juryj Białoŭ; kidańnie kapja — Uładzimir Kazłoŭ, Alaksandr Ašomka; kidańnie mołata — Juryj Šajunaŭ, Pavieł Kryvicki, Dźmitryj Šako; spartyŭnaja chadźba 20 km — Dzianis Simanovič; dziesiaciborje — Andrej Kraŭčanka.
žančyny: 100 m — Julija Nieściarenka; 200 m — Alena Kijevič; skačok u daŭžyniu — Nastaśsia Mirončyk; šturchańnie jadra — Natalla Michnievič; kidańnie dyska — Elina Źvierava, Iryna Jatčanka; kidańnie kapja — Maryna Novik; kidańnie mołata — Aksana Miańkova, Darja Pčelnik; spartyŭnaja chadźba 20 km — Śniažana Jurčanka; estafieta 4ch100m — Julija Nieściarenka, Alena Kijevič, Aksana Drahun, Hanna Bahdanovič, Julija Bałykina.
Čempijanat śvietu pradoŭžycca dzieviać spabornickich dzion. Za ŭznaharody pazmahajucca amal 2000 spartsmienaŭ z 200 krain. Pryzavy fond turniru składzie $7 młn
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1212
Kamientary