«Biełavija» płanuje adkryć novyja rehularnyja rejsy ŭ Ryhu, Vienu i Jekaciarynburh
A taksama prapracoŭvaje pytańnie pra arhanizacyju rehularnych pavietranych znosin z Barsiełonaj i Hrecyjaj.
Nacyjanalnaja avijakampanija «Biełavija» płanuje adkryć novyja rehularnyja rejsy ŭ Ryhu, Vienu i Jekaciarynburh. Ab hetym paviedamiŭ u paniadziełak žurnalistam namieśnik hienieralnaha dyrektara avijakampanii Ihar Čarhiniec, pieradaje karespandent BIEŁTA.
«Biełavija» prapracoŭvaje pytańnie i ab arhanizacyi rehularnych pavietranych znosin u Barsiełonu i Hrecyju. «Kali dakładna buduć adkryty hetyja maršruty, havaryć pakul rana, adnak rabota pa ažyćciaŭleńni hetych płanaŭ nami viadziecca, spadziajomsia, što chutka sietka rehularnych maršrutaŭ našaj avijakampanii budzie pašyrana», — skazaŭ Ihar Čarhiniec.
Adkryćcio novych rehularnych avijarejsaŭ i pavieličeńnie častaty ŭžo isnujučych mahčyma dziakujučy pastajannamu abnaŭleńniu parku pavietranych sudnaŭ «Biełavija». Tak, u pačatku biahučaha miesiaca avijakampanija nabyła čarhovy Boeing 737/500. Ciapier pavietrany fłot avijakampanii «Biełavija» składajuć čatyry Boeing 737/500, try Boeing 737/300, try CRJ 100/200LR, čatyry TU‑154M, adzin TU‑134.
«Biełavija» bazirujecca ŭ Nacyjanalnym aeraporcie Minsk. Avijakampanija zasnavana ŭ 1996 hodzie. Jana kantraluje kala 65 pracentaŭ biełaruskaha rynku avijacyjnych pasažyrskich pieravozak. Ažyćciaŭlaje rehularnyja rejsy ŭ 30 aeraportaŭ 20 krain śvietu. «Biełavija» adpaviadaje vyšejšym mižnarodnym standartam zabieśpiačeńnia biaśpieki. Pa vynikach aŭdytu apieracyjnaj biaśpieki Mižnarodnaj asacyjacyi pavietranaha transpartu (IOSA — IATA Operational Safety Audit) avijakampanija ŭ 2008 hodzie ŭvajšła ŭ rehistr apierataraŭ IOSA.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary