Miadźviedzieŭ mianiaje taktyku

Rasijskija kiraŭniki zajaŭlajuć pra namier vieści dyjałoh z susiedniaj krainaj u abychod palityčnych instytutaŭ. Piša Fiodar Łukjanaŭ.

Zasiarodžany Dźmitry Miadźviedzieŭ – uvieś u čornym na fonie marskoj prastory i vartavych karabloŭ – hladacki vobraz padabrany pad sihnał, jaki rasijski prezident nakiravaŭ svajmu ŭkrainskamu kalehu. Kamientataraŭ, padajecca, navat bolš uraziŭ nie źmiest pasłańnia, sam saboju krajnie nietypovy dla praktyki miždziaržaŭnych adnosinaŭ, a terminy jahonaha ahučvańnia. Žnivieńskaje zacišša – dziŭny čas dla takoha žorstkaha demaršu.

Usiu hłybiniu kramloŭskaj zadumy pakul nie zrazumieć, ale niazvykły vybar daty i stylistyki, vidać pa ŭsim, maje na mecie padkreślić značnaść hetaha kroku.

Zroblena zajaŭka na jakasny pierahlad kursu adnosna Ukrainy, i adsutnaść farmalnaj nahody maje na mecie prademanstravać – heta nie spantannaja reakcyja, a pradumanaje dziejańnie.

Najbolš raspaŭsiudžanaja interpretacyja – Rasija ŭklučyłasia ŭ ŭkrainskuju vybarčuju kampaniju, jakaja ŭstupić u aktyŭnuju fazu adrazu paśla zakančeńnia siezonu adpačynkaŭ. Ale rasijski ŭdzieł budzie adroźnivacca ad madeli 2004 hodu. Adkrytaja staŭka na kankretnaha kandydata skončyłasia piać hadoŭ tamu takim kanfuzam, što paŭtarać hety dośvied było b mazachizmam. Ciapier

pytańnie farmulujecca bolš maštabna – chto b ni pieramoh u studzieni, novy prezident pavinien adrazu ŭličvać ramkavyja ŭmovy, paznačanyja Maskvoj ŭ doŭhim pieraliku.

Śpis i forma pretenzijaŭ Miadźviedzieva da Juščanki, biezumoŭna, vychodzić pa‑za miežy taho, što kiraŭnik adnoj suvierennaj dziaržavy moh by adrasavać kiraŭniku inšaj suvierennaj dziaržavy i nie parušyć pry hetym pryncypaŭ karektnaści.

Kab zrazumieć sutnaść novaha padychodu,

varta źviarnuć uvahu na najaŭnyja i ŭ pasłańni Viktaru Juščanku, i ŭ videabłohu zhadki hutarak prezidenta Rasii z patryjarcham Kiryłam, jaki tolki što naviedaŭ Ukrainu.

ŭ Rasii źjaviŭsia novy hramadski dziejač, jaki pieraŭzychodzić pradstaŭnikoŭ śvieckich uładaŭ pa palityčnym kalibry i dypłamatyčnym majsterstvie.

Uražańnie tolki ŭzmacniłasia ŭčora, kali pres‑słužba patryjarchii raspaŭsiudziła listy padziaki patryjarcha da jahonych ukrainskich surazmoŭcaŭ, u tym liku da prezidenta Viktara Juščanki. Kirył nie tolki dziakuje ŭkrainskamu lideru za akazanuju ŭvahu i spryjańnie ŭ ažyćciaŭleńni vizitu, ale i adznačaje, što «nie zvažajučy na ŭsie ciažkaści, Ukraina paśpiachova ŭmacoŭvaje svaju dziaržaŭnaść». «Boskaje błasłavieńnie chaj budzie z narodam cudoŭnaj Ukrainy, jahonaj uładaj, voinstvam i z usimi nami», – zaklučaje patryjarch.

Na pieršy pohlad, pradstajaciel RPC rezka kantrastuje z prezidentam Rasii (toj faktyčna abvinavačvaje ŭkrainskaje «voinstva» u zabojstvie rasijskich miratvorcaŭ u Paŭdniovaj Asiecii), adnak nasamreč supiarečnaści niama, bo ŭ aŭtaraŭ dvuch pasłańniaŭ prezidentu Ukrainy zusim rozny status.

Ahulnaje palahaje ŭ tym, što

abodva rasijskija kiraŭniki – duchoŭny i śviecki – zajaŭlajuć pra namier vieści dyjałoh z susiedniaj krainaj u abychod palityčnych instytutaŭ.

Dźmitry Miadźviedzieŭ apieluje naŭprost da ŭkrainskaha naroda, u rezkaj formie daje zrazumieć, što kantakty z palityčnaj elitaj Ukrainy niepraduktyŭnyja. Ułasna, simvaličny sens samoha rašeńnia nie nakiroŭvać u Kijeŭ rasijskaha pasła taksama palahaje ŭ hetym – abnizić da techničnaha ŭzrovień aficyjnych adnosinaŭ.

Sproba rasijskich uładaŭ pabudavać adnosiny z Ukrainaj «źnizu», aktyvujučy tamtejšy ŭnutrany resurs, u pryncypie vytłumačalnaja.

Ale pačynajučy «vialikuju hulniu», varta čakać anałahičnaha adkazu –

Fiodar Łukjanaŭ — hałoŭny redaktar časopisa «Rośsija v hłobalnoj politikie». Palityčny analityk małodšaha pakaleńnia, blizki da koła prahmatykaŭ u atačeńni Miadźviedzieva. Jahony artykuł padajecca tut u niaznačnym skaračeńni.

• 0
• 0
• 0
• 0
• 0
• 0
• 0
• 0