Ci treba abaviazkova myć novaje adzieńnie z kramy? Tłumačym
Novaje adzieńnie ŭ mahazinie vyhladaje čystym i hatovym dla našeńnia. Ale ci sapraŭdy heta tak? Ci patrebna myć kuplenaje adzieńnie pierad tym, jak u pieršy raz jaho nadzieć?
Ekśpierty kažuć, što kali vy viartajeciesia z kramy z novym adzieńniem, jaho abaviazkova treba adpravić u pralnuju mašynu, bo ŭ inšym vypadku vy možacie naškodzić ułasnamu zdaroŭju.
Navat kali samo adzieńnie vyhladaje čystym, jano moža źmiaščać škodnyja taksiny.
Bolšaść fabryk pa vytvorčaści adzieńnia znachodzicca ŭ pramysłovych rajonach, dzie šmat mašyn i vialikaja kancentracyja ludziej i vytvorčych mahutnaściaŭ, piša HuffPost.
U takich miescach zvyčajna davoli drennaja jakaść pavietra. Zabrudžvalnyja rečyvy traplajuć u pamiaškańnie, cyrkulujuć pa fabrycy i asiadajuć na tkaninie.
I navat kali pavietra na fabrycy čystaje, na adzieńni mohuć zastavacca chimikaty, što vykarystoŭvalisia padčas vytvorčaha pracesu.
Siarod samych niebiaśpiečnych — śviniec, jaki ŭvachodzić u mnohija farbavalniki, farmaldehid — viadomy kancerahien, i pierftorvuhlevadarodnyja złučeńni — jany ŭvachodziać u skład vodaadpornaj prapitki. Ekśpiertaŭ taksama niepakojać charaktarystyki farbavalnikaŭ azafarbaŭ — škodnyja rečyvy, što ŭvachodziać u ich skład, lohka pranikajuć praz skuru i mohuć spryjać kantaktnamu dermatytu. Dadadzim, što azafarby majuć kancerahiennyja ŭłaścivaści.
Jašče adzin niebiaśpiečny farbavalnik — chinalin, jakoha asabliva šmat u adzieńni z paliestru. Chinalin nie tolki spryjaje raźvićciu kantaktnaha dermatytu, ale i moža być źviazany z uźniknieńniem raku.
Ad taksinaŭ u adzieńni najbolš buduć ciarpieć ludzi z ekziemaj abo z uraźlivaj skuraj.
Siarod usich prablem, jakija mohuć vyklikać hetyja rečyvy, na pieršym miescy staić kantaktny dermatyt. Jon prajaŭlajecca pierš za ŭsio praz čyrvony syp, jaki śviarbić, a taksama praź źmienu koleru skury na niekatorych učastkach cieła. Heta padpachi, pachvina, zona hrudziej ci talija.
Jość niekalki łajfchakaŭ nakont taho, jak najbolš pravilna myć novaje adzieńnie.
Lepiej za ŭsio vyviernuć takoje adzieńnie pierad tym, jak kłaści jaho ŭ pralnuju mašynu, a taksama myć jaho ŭ chałodnaj vadzie, kab zachavać koler.
Kali vy majecie sušyłku dla adzieńnia, to vykarystujcie jaje — tak vy pazbaviciesia ad jašče bolšaj kolkaści taksinaŭ.
Padšyvanyja kurtki na viasnu-2022: što prapanujuć dyzajniery
«Śvitary raskupili za dzień». Biełaruskaja dyzajnierka raskazała pra biznes u Vilni i ŭkrainskuju kalekcyju
-
Hety architektar prajektuje padziemnyja harady dla samych bahatych na vypadak Treciaj suśvietnaj vajny
-
Zornaja biełaruskaja intelektuałka pajšła na realici ad TNT — budzie pleści intryhi, kab atrymać 100 tysiač jeŭra
-
Dzianis ź Niaśviža dziesiać hadoŭ adpracavaŭ na likiora-harełačnym zavodzie. A znajšoŭ siabie i najlepš staŭ zarablać jak błohier Ałkabard
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju1
Kamientary