Źjezd Partyi BNF projdzie 5-6 vieraśnia ŭ Minsku. Ułady dali dazvoł na praviadzieńnie forumu ŭ Pałacy kultury MTZ.
Źjezd Partyi BNF projdzie 5‑6 vieraśnia ŭ Pałacy kultury traktarnaha zavoda. Jak raspavioŭ Jeŭraradyjo lider partyi Lavon Barščeŭski, jašče ŭ paniadziełak ułady dali vusny dazvoł, a siońnia čakajecca piśmovaje paćvierdžańnie.
Lavon Barščeŭski: «U nas, zhodna z rašeńniem, zapłanavana na 5‑6 vieraśnia, ale, mahčyma, my ŭkładziemsia ŭ adzin dzień i praviadziem źjezd tolki 5‑ha. Nam dali na vybar dva varyjanty: centr IBB i pałac traktarnaha. U traktarnym bolš vyhadnyja ŭmovy, tam bolš miescaŭ».
Na źjeździe płanujecca abrać novaha kiraŭnika partyi, a taksama, mahčyma, i kandydata na prezidenckija vybary. Lavon Barščeŭski kaža, što sam zastavacca staršyniom partyi nie źbirajecca i budzie ahitavać za Viktara Ivaškieviča.
Lavon Barščeŭski: «Ja zaraz nie baču druhoj fihury ŭ hetych kankretnych umovach, kali my pavinny iści ŭ prezidenckuju kampaniju. Kali mianie vyłučać kandydatam, to ja budu ahitavać za Viktara Ivaškieviča jak staršyniu partyi».
Kamientary