Rasijskaja słužba ekspres-dastaŭki SDEK pastaviła zasłon maradzioram
Rasijskaja słužba ekspres-dastaŭki SDEK admoviłasia prymać da adpraŭki pasyłki z tavarami, kali adpraŭnik nie moža paćvierdzić prava ŭłasnaści na ich — naprykład, pakazaŭšy kasavy ček z kramy. Adpaviedny zahad hiendyrektara SDEK Leanida Holdarta jość u rasijskaha vydańnia «Mieduza».
Kiraŭnik SDEK Leanid Holdart zahadaŭ supracoŭnikam (cytata z dakumienta):
«Pry pryniaćci adpraŭleńniaŭ niedakumientarnaha charaktaru na terytoryi JEAES da dastaŭki ad fizičnaj asoby da fizičnaj asoby praviarać paŭnamoctvy asoby (adpraŭnika) na rasparadžeńnie tavaram (kasavy ček ab kupli tavaru ci inšy dakumient, jaki paćviardžaje prava ŭłasnaści na tavar).
U vypadku niepradastaŭleńnia nazvanych dakumientaŭ klijentu pavinna być admoŭlena ŭ akazańni kurjerskich pasłuh».
Raniej źjaŭlałasia infarmacyja ab tym, što rasijskija vajskoŭcy adpraŭlajuć kurjerskaj słužbaj SDEK vielizarnyja pasyłki ź biełaruskich haradoŭ u Rasiju. Jak miarkujecca, u hetych pasyłkach — rečy, skradzienyja va Ukrainie.
Čytajcie taksama:
Kolki zapłacili za pierasyłku rečaŭ rasijskija sałdaty-maradziory?
«My pryjšli pa svajo, Rasija — moc». Jak žychary rasijskaha Rubcoŭska reahujuć na fakt maradziorstva ziemlakoŭ
Prajekt «Biełaruski Hajun» publikuje piersanalnyja źviestki rasijskich sałdat-maradzioraŭ. Rekardsmien pierasłaŭ dachaty amal paŭtony
Jak rasijskija vajskoŭcy vysyłajuć poštaj z Mazyra narabavanaje va Ukrainie VIDEA
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary