Ad pačatku vajny suprać Ukrainy za antyvajennyja akcyi ŭ Biełarusi zatrymali jak minimum 1,5 tysiačy čałaviek
Z 24 lutaha — dnia pačatku ahresii Rasii suprać Ukrainy — za ŭdzieł u antyvajennych akcyjach u Biełarusi zatrymali samaje mienšaje 1,5 tysiačy čałaviek, paviedamlaje pravaabarončy centar «Viasna».
Bolšaść zatrymanych ułady pieraśledujuć u administracyjnym paradku, ale suprać niekatorych zavodziać i kryminalnyja spravy.
«Biełarusaŭ kidajuć za kraty za zapusk bałonikaŭ, adzieńnie i simvoliku ŭ błakitna-žoŭtych kolerach, za kvietki kala ŭkrainskaj ambasady i za hukavy sihnał padčas mitynhu», — zaznačajuć pravaabaroncy.
Samyja masavyja antyvajennyja akcyi pa ŭsioj krainie prajšli 27 i 28 lutaha. Za dva dni ŭ Biełarusi było zatrymana bolš za 1,1 tysiačy čałaviek, pry hetym za kratami ź ich apynulisia jak minimum 630.
Akcyi adbyvalisia jak u stalicy, tak i ŭ rehijonach. Viadoma pra pratesty ŭ 27 haradach, siarod ich i zusim nievialikija: Drybin, Dokšycy, Šumilina, Ušačy, Tałačyn.
Zhadajem tolki niekalki absurdnych vypadkaŭ sa spravazdačy, za jakija ludzi byli pakaranyja.
Adna z žycharak Homiela apynułasia za kratami za toje, što «fatahrafavałasia na łaŭcy, vykonvajučy žoŭta-siniuju hamu».
Adnaho z zatrymanych u Navapołacku abvinavacili ŭ «paškodžańni dziaržaŭnaj majomaści» za słova «ch*j» na vybarčym biuleteni.
U Połacku 27 lutaha na vybarčym učastku zatrymali 54-hadovaha Siarhieja Chlebadara. Pryčyna — błakitna-žoŭty šalik. Na dumku milicyjantaŭ, mužčyna takim čynam paŭdzielničaŭ u «niesankcyjanavanym pikietavańni». Siarhieja aryštavali na 15 sutak.
U vioscy Drybinskaha rajona aktyvista ruchu «Za svabodu» Andreja Jurkova aryštavali za zaklik da malitvy za ŭkraincaŭ. Jon zrabiŭ videazapis z zaklikam i vykłaŭ jaho na svajoj staroncy ŭ «Adnakłaśnikach». Padčas suda mužčyna vinu nie pryznaŭ. Vynik — 7 sutak aryštu.
Całkam spravazdača «Viasny» dastupnaja TUT.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary