Recept na śviaty. Zapiečany kumpiak ci łapatka — sapraŭdnaje ŭpryhožvańnie stała

Kab zrabić zapiečanyja kumpiak i łapatku, vam spatrebicca:

• śvinaja łapatka ci kumpiak vahoj 2—2,5 kh (adździalicie miasa ad kostki, skrucicie jaho ŭ rulet i zrabicie na skury nadrezy)
• stałovaja łyžka aliŭkavaha aleju
• sok pałovy limona
• 2 cybuliny, narezanyja na kolcy
• sol
• 4 rastoŭčanyja hałoŭki časnyku
• drobna parezany pierac čyli
• stałovaja łyžka nasieńnia fienchielu (treba krychu rastaŭčy)
• 4 butony sušanaj hvaździki (treba ich zdrabnić)
• pałova čajnaj łyžki mielenaha čornaha piercu
• čajnaja łyžka papryki
• čajnaja łyžka cynamonu
• čajnaja łyžka sušanaha čaboru (abo stałovaja łyžka drobna parublenaha śviežaha čaboru)
• čajnaja łyžka sušanaha arehana (abo stałovaja łyžka drobna parublenaha śviežaha arehana)
• 3 stałovyja łyžki aliŭkavaha aleju
• stałovaja łyžka čyrvonaha vina
• kali pažadajecie zrabić dla miasa padliŭku, padrychtujcie stałovuju łyžku muki i 100 mililitraŭ biełaha vina

1. Razahrejcie duchoŭku da 230 hradusaŭ. Źmiašajcie časnyk, pierac čyli, fienchiel, hvaździku, čorny pierac, papryku, cynamon, čabor i arehana, dadajcie drobku soli. Pieramiašajcie.
2. Naniasicie sumieś na śvininu, treba dobra ŭcierci jaje ŭ nadrezy, kab sumieś trapiła maksimalna hłyboka ŭ miasa, ale pry hetym nie rabicie hłybokich nadrezaŭ u im. Prybiarycie sa skury reštki sumiesi, dobra zmažcie miasa aliŭkavym alejem, apyrskajcie limonnym sokam i pasypcie jaho sollu.
3. Raskładzicie cybulu pa nizie formy dla zapiakańnia i pakładzicie miasa pavierch jaje. Dadajcie 250 mililitraŭ vady. Zapiakajcie miasa ŭ duchoŭcy 30 chvilin — paśla hetaha času skura pačnie nabyvać karyčnievy koler i zrobicca trochi chrumstkaj. Paśla hetaha źniźcie tempieraturu ŭ duchoŭcy da 180 hradusaŭ i zapiakajcie miasa dalej — jašče 25 chvilin na kožnyja 500 hramaŭ miasa.
4. Dastańcie miasa z duchoŭki, niaščylna nakryjcie folhaj i pakińcie pry chatniaj tempieratury jak minimum na 15 chvilin. Pracadzicie toje, što zastałosia ŭ formie dla zapiakańnia, i, kali žadajecie, padavajcie cybulu razam ź miasam. Pačakajcie niekalki chvilin i prybiarycie z vadkaści, što zastavałasia ŭ formie, tłušč — jaho budzie davoli šmat.
5. Kali vy žadajecie padavać miasa z padliŭkaj, vysypcie na dno formy dla zapiakańnia stałovuju łyžku muki, pastaŭcie formu na siaredni ahoń i pieramiešvajcie ŭsio, što zastajecca ŭ formie, pakul vy nie adskrabiacie reštki stravy, što mahli prylapicca da formy. Dadajcie vino i pieramiešvajcie, pakul u vas nie atrymajecca adnarodnaja sumieś. Dadajcie vadkaść z punkta 4 i, kali nieabchodna, jašče trochi vady.
6. Ale možna i nie rabić padliŭku — u takim vypadku prosta padajcie miasa z duchmianaj vadkaściu, što ŭtvaryłasia ŭ formie padčas zapiakańnia.

«Naša Niva» adnaŭlaje zbor danataŭ — padtrymać prosta

Čytajcie jašče:

Da vielikodnaha stała. Robim paschu: 4 recepty, jakija abaviazkova atrymajucca

Da vielikodnaha stała. Niamiecki paschalny chleb osterbrot — cikavaja alternatyva zvykłym piraham

• 8
• 0
• 0
• 0
• 0
• 0
• 1
• 0