Biełaruś užo niekalki miesiacaŭ žyvie biez bujnoj charčovaj soli. Raniej hety pradukt impartavała ŭkrainskaje pradpryjemstva «Artemsol», jakoje raźmieščana ŭ horadzie Soledar Danieckaj vobłaści Ukrainy, u samoj huščy vajny. Ale kali stralajuć harmaty, nie da soli, piša hazieta «Biełorusy i rynok».
Sustaršynia Minskaha staličnaha sajuza pradprymalnikaŭ i pracadaŭcaŭ Viktar Marhiełaŭ kaža, što handal pradaje bujnuju charčovuju sol biełaruskaj vytvorčaści, jakaja nie horšaja za ŭkrainskuju. Praŭda, tolki na vahu.
«Bujnuju charčovuju sol pastaŭlała pradpryjemstva «Artemsol» z Ukrainy. Biełaruskuju drobnuju sol handal trymaŭ u siabie jak ekskluziŭ, a narod na zakatki braŭ bujnuju.
Zrazumiełaja reč, što z Ukrainy ŭžo niekalki miesiacaŭ pastavak niama. Pytańnie ŭ inšym: bujnaja charčovaja sol u Biełarusi jość, pryčym biełaruskaj vytvorčaści. Jana vyrablajecca, ale čamuści nie naładžanaja jaje fasoŭka: ci to abjomy maleńkija, ci to jašče što.
My ciapier handlujem na vahu sollu salihorskaj vytvorčaści bujnoha pamołu, jakaja zusim nie horšaja za ŭkrainskuju. Ukrainskaja sol, ščyra kažučy, i brudnavataja była — z čarninkaj, a naša čyściejšaja i aceńvajuć jaje vysoka.
Ale čamuści biełaruskuju sol drobnaha pamołu fasujuć, a bujnoha nie. I heta zahadka», — havoryć Marhiełaŭ.
Na Danbasie ciapier iduć bai, nichto nie viedaje, zastaniecca tam zavod ci budzie źniščany. A Biełaruś, na dumku Marhiełava, u stanie zabiaśpiečyć siabie ŭłasnaj bujnoj charčovaj sollu naležnaj jakaści, važna tolki pravilna pastavić spravu.
Kandydat ekanamičnych navuk Piatro Mihurski ličyć, što Biełaruś, chutčej za ŭsio, impartavała bujnuju sol. Na samaj spravie ŭ prodažy sol ciapier jość — drobnaja, jodavanaja. A bujnaja, pa słovach handlaroŭ, pastupić u prodaž da zakatačnaha siezonu.
Akazałasia, što ŭ vyniku vajny my akazalisia nie ŭ stanie zabiaśpiečyć nasielnictva Biełarusi bujnoj sollu. Ale, upeŭnieny Mihurski, jak pryjdzie čas salić ahurki, to prablemu niejak vyrašać — nie dziaržava, dyk pryvatniki.
U Biełarusi vytvorčaść soli ciapier skancentravanaja ŭ rukach AAT «Mazyrsol» i AAT «Biełaruśkalij». Jany praktyčna zakryvajuć patreby ŭnutranaha rynku: «Mazyrsol» vyrablaje 70,5%, «Biełaruśkalij « — 23%, i tolki 6,5% prypadaje na impart.
Biełaruś ža častku svajoj soli aktyŭna pastaŭlała i na ekspart: za 2015—2019 hady ekspart charčovaj soli ź Biełarusi pavialičyŭsia na 35%.
Čytajcie taksama:
Ź Biełarusi zabaranili vyvozić muku, krupy, alej, cukar i sol
Jakija tavary źniknuć ci istotna padaražejuć z-za sankcyj?
Łukašenka zajaviŭ, što litoŭcy skuplajuć našy pradukty i paliva. A jak nasamreč?
Mikałaj Snapkoŭ zahavaryŭ pra zapałki i sol: Zabiaśpiečanaść sietki hetymi tavarami — ad 12 da 46 dzion
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary