«Pavyčyščajcie hetych razhildziajaŭ». Łukašenka zapatrabavaŭ «najsurjoźniejšaj pierabudovy» sistemy adukacyi
Alaksandr Łukašenka zapatrabavaŭ pravieści vielmi surjoznyja pierabudovy ŭ sistemie adukacyi. Pra heta jon zajaviŭ na naradzie pa pytańni zabieśpiačeńnia zakonnaści i pravaparadku, piša BiełTA.
Ministr adukacyi Andrej Ivaniec padčas narady adznačyŭ, što ciapier u sistemie adukacyi na pieršaje miesca vychodziać pytańni vychavańnia. Asobna jon spyniŭsia na mierach, jakija prymajucca pa prafiłaktycy pravaparušeńniaŭ z udziełam niepaŭnaletnich.
«Novy čałaviek pryjšoŭ. Ja čakaju ad vas pieravarotu tam. Nie revalucyi, a pieravarotu. Vy čałaviek, jaki ŭ žyćci sierbanuŭ stolki, jak nichto inšy, chto tut siadzić. I vy pavinny być addanym čałaviekam svajoj krainie. Ad vas, ad našych dziaciej usio pačynajecca», — padkreśliŭ Alaksandr Łukašenka.
Jon nahadaŭ pra svaje patrabavańni da novych padručnikaŭ i dapamožnikaŭ, pracy z kadrami ŭ navučalnych ustanovach.
«Pavyčyščajcie hetych razhildziajaŭ, jakija prychodziać u škołu, jak da stanka: pryjšoŭ, urok daŭ i syšoŭ. Nie. Treba pracavać, jak sa mnoj pracavali nastaŭniki, z ranicy da nočy. I šanavali hetuju pracu. Bardak poŭny, — raskrytykavaŭ ciapierašniaje stanovišča spraŭ Łukašenka. — My — i Rasija — vyžyviem tolki dziakujučy žorstkaj dyscyplinie. U advarotnym vypadku nas vykarystoŭvajuć».
«Čakaju na praciahu nastupnaha hoda surjoznaj pierabudovy ŭ sistemie adukacyi i pierš za ŭsio ŭ škole. Vy viedajecie, što treba rabić. Vy viedajecie, jakija dzieci pavinny vyraści», — reziumavaŭ Alaksandr Łukašenka.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary